10 май көнне район мәдәният йортында “Йолдызлык” фестиваленең муниципаль этабының йомгаклау концерты булды. Мәктәбебездән Шакирова Галия “Вокал” номинациясе, Нәргизә һәм Кәрим Газизуллиннар “Конферанс” номинациясе буенча дипломнар белән бүләкләнделәр. Аларга уңышлар телибез.

 

Митингтан соң укучыларыбыз “Үлемсез полк” белән авыл урамнарын йөреп кайттылар. Алар исән һәм үлмәячәкләр!

 

8 май көнне Бөек Җиңүнең 73 еллыгына багышланган митинг булды. Бирегә сугыш ветераннары, тыл батырлары, сугыш чоры балалары чакырулы иде. Тантаналы өлештән соң өлкәннәребез чәй табыны янында үзләренең хатирәләре белән уртаклаштылар.

7май көнне һәр сыйнфта “Батырлык” дәресе узды. Бирегә сугыш чоры балалары чакырылган иде. Алар үзләренең бала вакытларындагы авыр хатирәләрен сөйләделәр. Шуңа да карамастан, алар зарланмыйлар, сабыр итәләр. Бу әби- бабайларны тыңлаганда тамакка төер тыгыла. Авыр хөсрәтләр күргәннәр алар. Безгә һәм безнең балаларга андый ачы афәтләр күрергә язмасын.

 

5 нче май көнне мәктәбебезнең барлык укытучылары , укучылары, барлык хезмәткәрләр өмәдә катнашты. Үзебезнең мәктәп территориясен чистарттык, ямь керттек. Эшебез гөрләп барды.

 

Бөек Җиңүнең 73 еллыгына карата патриотик җырлар конкурсы булды. Биредә һәр сыйныф актив катнашты.

5 нче сыйныф укучысы Корбангалиева Энҗе бадминтон ярышында 3 нче урынны яулады. Алга таба да уңышлар юлдаш булсын. Афәрин, Энҗе!

 

Латипова Алсу татар теле һәм әдәбияты буенча уздырылган Халыкара олимпиадада катнашып, диплом белән бүләкләнде.

Поздравляем.

Латипова Алсу участвовала в международном олимпиаде по татарскому языку и литературы.

Бөек Җиңүне каршылау максатыннан, һәр сыйныф җырлар өйрәнә. Сугыш чоры балалары белән очрашуга әзерләнә. Котлау һәм чакыру открыткалары ясый.

Мәктәбебездә Бөек Җиңүнең 73 еллыгын каршылауга әзерлек чаралары бара. Һәммә укучы һәм укытучыга “Георгий лентасы” тагылган.