10 нчы февраль көнне ГО айлыгы кысаларында уздырылган хоккей ярышында мәктәбебезнең яшүсмерләр командасы 3 нче урынга лаек булдылар.Афәрин, егетләр! Алга таба да уңышлар!

11 нчы сыйныф укучысы Миннемуллин Фәнис Рәсәйдә уздырылган кул көрәше ярышында катнашып кайтты. Анда уңышлы чыгыш ясап, 3нче урынга лаек булды.Афәрин, Фәнис! Алга таба да уңышлар телибез.

9 нчы февраль көнне районыбыздагы зоналар арасында уздырыла торган “Йолдызлык” фестиваленда катнаштык. Мәктәбебездән “Сәйлән” бию төркеме, Галия Шакирова – вокал, Нәргизә һәм Кәрим Газизуллиннар “Конферанс” номинациясендә чыгыш ясадылар. Аларга уңышлар юлдаш булсын!

10 нчы февраль көнне очрашу кичәсе булып үтте. Әлеге очрашуга Бөрбаш урта мәктәбен 45, 40, 35, 30, 25, 20, 15 ел элек тәмамлаган шәхесләр чакырылды. Очрашу бәйрәме искиткеч күңелле һәм матур үтте. Килгән кунакларның барысы олы рәхмәтләрен белдереп, укыткан укытучыларына, мәктәпкә бүләкләр тапшырдылар. Һәр класс үзләренчә искә алды мәктәп елларын. Классташлары белән, укытучылар белән булган кызыклы, истәлекле мизгелләрен хәтерләренә төшерделәр. Очрашудан һәркем якты , матур хатирәләр белән таралды.

Районыбызда уздырылган Форпост ярышларында укучыларыбыз уңышлы гына чыгыш ясап кайттылар. Д.Муратов, Д.Хаҗиева, А.Гариповалар дипломнар белән бүләкләнделәр.

11 нче февраль көнне Вафин Динияр, Газизуллин Кәрим, Шәрипова Фәйрүзә ТНВ каналында күрсәтелә торган “Тамчы шоу” тапшыруында катнаштылар. Алар Мамадыш районы Түбән Ушма мәктәбенең “Хыял” командасы белән көч сынаштылар. Укучыларыбыз үзләренең татар рәссамнарының иҗаты, күренекле шәхесләр һәм уку фәннәре буенча үзләренең белемнәрен сынап карадылар. Нәтиҗәдә мәктәбебезнең “Әбугалисина” командасы җиңүгә иреште. Афәрин, укучылар! Алга таба да шундый белемле, тапкыр, җитез булып калуыгызны теләп калабыз.

10 нчы февраль көнне мәктәбебездә Бөтенрәсәй “Чаңгы юлы- 2018” узды. Биредә һәммә укучы һәм укытучы бик теләп катнашты. Афәрин!

2 нче февраль көнне Хайруллина Венера Надил кызы “Ел сыйныф җитәкчесе-2018” бәйгесенен муниципаль этабында унышлы чыгыш ясады. Венера Надиловнага уңышлар теләп калабыз.

3 нче февраль көнне 2-4 нче сыйныф укучылары өчен “Күңелле стартлар” ярышы булды. Укучылар үзләренең бик җитез икәнлекләрен күрсәттеләр. Нәтиҗәдә дуслык җиңде.

29-31нче гыйнварда Казан шәһәрендә татар мәктәпләрендә укучылар өчен татар теленнән республика олимпиадаларының йомгаклау туры үткәрелде. Бөрбаш урта мәктәбенең 11 нче сыйныфы укучысы Латыпова Алсу (укытучысы Нуретдинова З.З.) республика олимпиадасының призеры дипломына ия булды.

Алсуны зур җиңүе белән котлыйбыз, укуында уңышлар телибез!