21 нче февраль көнне мәктәптә укучылар ,әти-әниләр белән берлектә  "Әти,әни һәм мин- спорт гаиләсе"  бәйрәме үтте. Бәйрәм бик күңелле һәм оешкан рәвештә узды.

20 феврвль көнне Закирова З.Д.җитәкчелегендәге “Дизайн” түгәрәгендә шөгыльләнүче укчыларның кул эшләре күргәзмәсе оштырылды. Оста куллы кызларыбыз үзләренең шушындый матур эшләре белән киләчәктә дә сокландырырлар дип ышанып каласыбыз килә.

Муса Җәлил конференциясенә җибәрелгән эшләр тикшерелде. II этапка үткән эшләр МКУ га тапшырылды. Нәтиҗәләрне  884368  2-41-95 телефон номерына Гадения Гариповнага шалтыратып белә аласыз.

19 февраль  - спорт атнасының икенче көне. Бүген мәктәптә спартакиада. Бөтен мәктәп укучылары төрле өлкәдә көч сынаша. Спартакиада чаңгы эстафетасы белән башланып аркан тарту белән уңышлы гына тәмамланды.Мәктәбебездә спортсменнар күп икән.

18-23 февральгә кадәр  мәктәптә спорт атнасы.
18 февраль  көнне мәктәбебездә  хәрби строевой җырларга конкурс булды. Бу конкурста тезелү, таралу, адымнар, честь бирү, җырлап атлауга,шулай ук һәр классның иҗади әзерләнгән  парад формасына бәя бирелде. Һәр класс үзенә парадный форма билгеләгән һәм шушы формадан үзләрен  һәряклап  күрсәттеләр. Бу конкурста актив катнашулары өчен бик зур рәхмәт

 1 нче сыйныф  укучыларын Мәктәп дигән белем йортындагы 1 нче җиңүләре Әлифбаны тәмамалау бәйрәме белән котлыйбыз. Алдагы укуларында уңышлар телибез!

 15 февраль - Герой шагыйрь Муса Җәлилнең туган көне.  Музейда Муса Җәлилнең туган көненә багышланган дружина сборы булды. Сборда Муса Җәлилнең тормыш юлы, иҗаты искә төшерелде. Сборның икенче өлешендә шагыйрьнең шигырьләренә  конкурс оештырылды.

 14 февраль - Гашыйклар көне билгеләнеп үтелде. Укучылар иртәдән барлык укытучыларны, укучыларны бәйрәм белән котлап открыткалар өләштеләр. Дәресләрдән соң 5-7 сыйныфлар өчен "Гашыйк парлар" бәйгесе булды. Ә 8-11 сыйныфлар өчен кич белән "Гашыйк йөрәкләр" бәйгесе дискотека белән берлектә  оештырылды.  Түләүле дискотека "Чын йөрәктән" исемле акциягә багышланды.

Татар теле һәм әдәбияты укытучысы – Гарифуллина Эльмира җитәкчелегендә “ Мәктәп сулышы” газетасының 2 нче саны дөнья күрде. Газетаның редакторы: Сибагатуллина Назилә, Нәбиева Йолдыз. Фоторедактор: Хөсәенова Фәридә. Газетада мәктәп тормышы, төрле яңалыклар, укучыларның ирешкән уңышлары, укытучылардан алынган кызыклы интервью, белдерүләр һ.б. мәгълүматлар урын алды.

12 февраль көнне мәктәптә әти-әниләр конференциясе булды. Конференциядә педиатр Наилә Мухаметовна һәм сәнгать мәктәбенең хореография укытучысы Наилә Фаритовна чыгыш ясадылар. Мәктәпнең үзидарә әгъзалары - волонтерлар "Чын йөрәктән" дип аталган  акция игълан иттеләр, катнашырга чакырдылар.