Мәктәбебез укучылары Төхфәтуллин Айназ, Гарифуллин Айзат, Хисамиев Әлфис, Фатихов Азамат, Гарифуллина Рамилә, Нургалиева Гөлгенә ГТО нормаларын уңышлы үтәп, көмеш билгеләргә лаек булдылар.

Тыл ветераннары һәм сугыш чоры балалары белән очрашып сыйныф сәгате үткәрдек. Кунакларыбыз сугыш чорында тылдагы хезмәт, авыр һәм ятимлектә үткән балачаклары турында сөйләделәр. Укучыларга бүгенге тормышның кадерен белергә, тырышып укырга, әти-әниләрне, укытучыларны хөрмәт итәргә кирәклеген әйттеләр.

9 май - Җиңү көненә багышланган митингта катнаштык. Тыл ветераннарын һәм сугыш чоры балаларын тәбрикләдек. Һәйкәлгә чәчәкләр куйдык.Үлемсез полк акцияседә катнаштык.

Бүген мәктәп-бакчада өмә оештырылды. Өмәдә һәркем актив катнашты. Тирә-юнь чистарып калды.

Бөек шагыйрь Габдулла Тукайның тууына 132 ел тулу уңаеннан әдәби-музыкаль кичә үткәрелде. Тукайның "Исемдә калганнар" китабы буенча фикер алышу, иҗаты буенча викторина, шигырь конкурсы үткәрелде. Чара Тукай сүзләренә язылган җырлар белән үрелеп барды.

Логопед Борханова Л.Р. балалар белән очрашып тикшерү үткәрде, киңәшләрен бирде.

Концерт гайре табигый машина - мәктәп укучылары җитештерүче машинаның эшләве белән башланып китте. Берсеннән- берсе матур чыгышлар тамашачыга йоклап утырырга ирек бирмәде. Концертка солдатлар да, шәрык кызлары да, заман яшьләре дә, урыс егетләре дә килгән иде. Нәни Мәдинәнең Күбәләк белән сөйләшүенә халык биһуш булды. Кеп- кечкенә балаларның чын артистларча җырлап- биеп йөрүләрен бигрәк тә тамашага чыккан әбиләр үз итте. Әбиләр димәктән, быел Шалкан әбиләре дә машинага утырып килгән булып чыкты. Бабайлары да бар икән аларның, анысын быел гына белдек. Алар бибиләрне бик яхшы саклый икән. Чабата киеп үскән буын сәхнәдә чабаталы кызны күргәч, чабатаның хәзер бары тик сәхнә өчен генә хезмәт иткәненә сөенеп утыргандыр. Концертка хәтта Кукмарадан итек сатучылар да килгән иде. Рәхәтләнде кызлар шул итекләр белән биеп.