Бөек җиңүнең 70 еллыгына карата, укучылар, авылыбызның батыр улларына багышланган  һәм сугыш темасына караган шигырь, хикәяләр иҗат итәләр.

Бүген мәктәп укучылары арасында  "Армрестлинг" ярышы башланып китте, әлеге ярышта  барлык укучылар да атна дәвамында көч сынашачык.

5 нче сыйныф укучылары китапханәдә  Бөек Ватан сугышына  багышланган китаплар белән таныштылар. 

Безнең илебездә батырлыкка салынган һәйкәлләр шактый. Мәсәлән, «Билгесез солдат кабере», «Ватан Ана чакыра» һәм башка һәйкәлләр. Алар батырлыкка дан җырлый. Туган авылыбызда да Ватан сугышы батырларына салынган һәйкәл бар.

4 нчче сыйныф укучылары да һәйкәлләр турында әңгәмә үткәрделәр. Алар  батырларга һәйкәлләр иҗат иттеләр. 

   3 нче сыйныф укучылар  (сыйныф җитәкчесе – Васильева Г.Ф) «Бөек Җиңүгә – 70 ел” проекты кысаларында, сугыш чоры балалары турында информация  туплап, “Без – буразнадан  чыккан балалар”  исемле буклет ясадылар. Укучылар сугыш чорында туган балалар, ягъни бүгенгесе көндә әби – бабайлары турында бик күп материаллар туплый алдылар. 

Бөек Җиңүнең 70 еллыгы уңаеннан мәктәп беречелегенә биатлон буенча эстафета  үтте.

Илебез тарихында еллардан елларга, гасырлардан гасырларга алтын хәрефләр белән язылган 70 нче Җиңү язы килә.  Без 70 ел инде көнебезне аяз күк, якты, бәхетле кояш белән башлыйбыз. Төннәребез тыныч төшләр күреп үтә. Узган һәр ел безне 1418 көнгә сузылган Бөек Ватан сугышыннан ераклаштыра. Еллар узган саен аның дәһшәте, куркыныч авазы кими бара. Мин сугышны авызыннан утлы ут бөркеп торучы аждаһа белән тиңләргә телим. Меңнәрчә, миллионнарча яп-яшь егет-кызларыбыз,  бабайларыбыз әлеге утка кереп, киләчәк буынның  бәхетле тормышы өчен гомерләрен корбан иткәннәр. Безнең якларда бомбалар да шартламаган, снарядлар да сызгырмаган. сугыш кайдадыр еракта барган. Ә дары төтене, толлык хәсрәте берәүне дә читләтеп узмаган. Бөек Ватан сугышы тәмамлануга 70 ел узса да, ул бабайларыбызның хәтерендә, күнел ярасында,  йөрәгендә утлы ялкынын сиздертеп тора. Еллар буе сыкраган тәннәр, үзенең барлыгын белгертеп,  саркып торучы яралар…

Мәктәбебезнең  яшь укытучысы Сабирова Гөлчәчәк Рифкать кызы "Педагогический дебют" номинациясе җиңүчесе. Без аны тәүге җиңүе белән чын күңелдән котлыйбыз. 

Кадерле әтиләребез Һәм аларга алмашка үсүче егетләребез! Без Сезнең барчагызны да шушы бәйрәмегез белән тәбрик итәбез. Сезгә алдагы тормышыгызда зур уңышлар, корычтай нык сәламәтлек , озын гомер телибез. 

     25 февраль көнне “ Алар батырлыгы мәңгелек” дип исемләнгән тәрбия сәгатьләре үткәрелде. Укучыларыбыз Балтач районының  Советлар Союзы Геройлары белән таныштылар.

     Җиңу исәпсез – хисапсыз корбаннар аша яуланды. 70 ел гомер узды, тагын дистәләрчә еллар үтәр , буын арты буын алышыныр. Ләкин Бөек Җиңү һәм шушы җиңүне яулап алган сугыш һәм тыл ветераннарының, Геройларыбызның  якты истәлеге безнең күңелләрдә мәңге яшәр.  Илләрнең  тыныч , көннәрнең аяз  булуы белән без сезгә бурычлы. 

                           Күпләр башын салды изге яуда,

                           Кайталмады туган ягына.

                           Теләсә дә аяк баса алмады

                           Җиңүдән соң тормыш язына.

Күрәлмады кабат туган йортын,

Якыннарын , газиз баласын.

Һәлак булды , яклап геройларча

Туган җирен , Ватан- ананы.