Бөтенрәсәй "Час кода" акциясында мәктәп укучылары актив катнашты. 

Башлангыч сыйныфларда Чечен сугышында катнашкан авылдашларыбызга багышлап  «Сугыш – йөрәк ярасы» дигән темага тәрбия сәгатьләре уздырылды.

4 нче сыйныф укучысы Фролова Миләүшә (җитәкчесе Антонова Н. Г.) коррупциягә каршы иҗади эшләр буенча республика конкурсында «Намуслы яшәргә кирәк!» номинациясендә 3 нче урынга лаек булды. 8нче декабрь көнне Казан Кремлендә бүләкләү тантанасында катнашты. Миләүшәне чын күңелдән җиңүе белән котлыйбыз!

Фәезов Хәлил Рависович “Аһәңле Татарстан “ халык музыка уен коралларында уйнаучылар республика фестиваленең гала концертында гөсләчеләр ансамбле белән катнашып  I- нче дәрәҗә лауреат дипломына  һәм  “Традицион халык уен коралларын торгызуга керткән өлеше  өчен” дигән дипломга  ия булды.

Башлангыч сыйныф укучылары арасында “Боз өстендә сак бул!” темасына рәсем конкурсы үткәрелде. Иң яхшы рәсемнәр муниципаль этапка конкурска җибәрелде.

Технология дәресендә 5 сыйныф  кызлары, малайларга бутерброд ясау серләре белән тәҗрибә уртаклашалар.

“Наш район – территория свободная от коррупции” декадасы кысаларында сыйныфларда әңгәмәләр уза. 

“Әниләр көне” уңаеннан мәктәптә әниләргә бүләкләр ясадылар.

17-24 ноябрь көннәрендә Татарстан Республикасының Дәүләт Советына 20 ел уңаеннан сыйныфларда  “Парламент дәресләре” узды. Дәресләрдә фикер алышулар булды, инша яздылар, рәсем ясадылар.