Бүген Баулы шәһәреннән юл хәрәкәте иминлеге инспекторы Шәрипов Илназ Линарис улы мәктәп укучылары алдында чыгыш ясады. Ул җәяүлеләр, велосипед, мопед, скутер йөртүчеләр өчен юл йөрү кагыйдәләре  белән таныштырды. Укучыларга “Добрая дорога детства” газетасы һәм буклетлар таратылды.

Бүген, ягъни 21 май  көнне, “Туган якны өйрәнү” түгәрәге членнары тарафыннан (6,8 сыйныф укучылары, түгәрәк җитәкчесе Халиуллина А.В.) Бөек Җиңүнең 69 еллыгы һәм пионер оешмасы туган көне уңаеннан рус телендә герой пионерлар турында әдәби-музыкаль монтаж куелды. Укучылар Герой пионерлар  Зина Портнова, Леня Голиков, Марат Казей, Валя Котик, Саша Ковалёв, Нина Сагайдак, Нина Куковерова, Саша Бородулин, Лара Михеенко, Галя Комлева, Петя Зайченко, Вася Коробко, Валерий Волков, Камилия Шаганың батырлыклары, фашистларга каршы үз-үзләрен аямыйча көрәшүләре турында ялкынланып сөйләделәр.

1 нче сыйныфта "Укыту-тәрбия эшендә беренче кыенлыклар” дигән темага ата-аналар  җыелышы үткәрелде.

16 майда 5 сыйныф җитәкчесе Идрисова Гөлүзә Наилевна “Гаилә традицияләре һәм балага хезмәт тәрбиясе бирү” дигән темага ата – аналар җыелышы үткәрде.  Җыелышта хезмәт һәм аның бала тормышындагы роле, балада хезмәт күнекмәләре тәрбияләүдә гаилә үрнәгенең әһәмияте, баланың хезмәт эшчәнлеге һәм гаиләдә аны бәяләү турында сөйләштеләр.

      12 майда  «Бердәм экология дәресе” үткәрелде. Шул уңайдан  география укытучысы Гайфуллина С.Ш. укучыларны Татарстан Республикасының экология һәм табигый ресурслары Министрлыгының эшчәнлеге белән таныштырды. “Табигатьне саклыйк» дигән темага презентация  күрсәтелде. Чишмәләрне чистарту максатыннан экскурсияләр оештырылды.