“17 май – Балаларның халыкара ышаныч телефоны көне” айлыгы кысаларында бүген башлангыч сыйныфларда  “Аңлашып яшәүгә ни җитә?”  дип исемләнгән сыйныф сәгате үткәрелде.

Шәфкатьлелекнең язгы атнасы кысаларында  бүген мәктәп яны тирәсен җыештыру  өмәсе булды. Өмәдә аеруча 10 сыйныф укучылары зур оешканлык күрсәттеләр.

25 апрель көнне  шәфкатьлелекнең язгы атнасы кысаларында  8 сыйныф кызлары  хезмәт  ветераны Талипова Сәкинә әбигә булышырга бардылар.

Кызлар  гөлләргә су сиптеләр, тузан сөрттеләр, савыт – саба, идән юдылар. Сәкинә әби кызларның эшеннән бик канәгать калды.

17 апрельдән 17 майга кадәр  “17 май – Балаларның ышаныч телефоны көне” айлыгы игълан ителде. Шул айлык кысаларында  бүген 10 нчы сыйныфта “Ата – аналар һәм балалар арасында аңлашылмаучылык” темасына ата – аналар җыелышы булды. Сыйныф җитәкчесе Валиуллина Р.Х. әти – әниләрне дөрес тәрбия законнары белән таныштырды,  җыелыш темасы буенча презентация күрсәтте. Җыелыш азагында  ата – аналар үзләре өчен кирәк булган анкета тутырдылар.

Безнең мәктәптә "Үз бабаңны тап!" дип аталган акция бара. Аның буенча һәр укучы үзенең Бөек Ватан сугышында һәлак булган яки катнашкан бабаларын, аның фотографиясен, аның турында материал табарга тиеш. Күп кенә бабайларны инде таптык. Укучылар тарих укытучысы Әхмәтҗанова Роза Гамировна җитәкчелегендә эшлиләр. 

Россия территориясендә яшәүче төрле милләт халыкларының дустанә мөнәсәбәт, аларның мәдәни һәм рухи байлыгын, үзенчәлекләрен ачыклау максатыннан 5-9 сыйныф укучылары арасында “Халыклар дуслыгы” дигән ачык дәрес уздырылды. Укучылар бу темага лекция тыңладылар, презентация карадылар, проблемалы сорауларга җавап бирделәр, тормыштан мисаллар китерделәр. Бу чара балаларга бик ошады.

Шәфкатьлелекнең язгы атналыгы кысаларында башлангыч сыйныф укучылары белән “Шәфкатьлелек- нәрсә ул?” дигән темага тәрбия сәгате үткәрелде. Әңгәмә бик кызыклы булды.

Укучылар йорты  мәгариф бүлеге белән берлектә  1 апрельдән  15 апрельгә кадәр “Кошлар көне” дип исемләнгән район конкурсы оештырды. «Сыерчык оясы» номинациясендә 5 нче сыйныф укучысы  Нуретдинов Айдар 3 нче урын яулады (җитәкчесе Фатхуллина Лилия Марс кызы). 

Күренекле драматург һәм җәмәгать эшлеклесе Туфан Миңнуллинның әсәрләрен сәхнәләштерүгә багышланган төбәкара (межрегиональный) конкурста мәктәбебез укучылары “Аерылабыз-хуш инде” дип аталган бер пәрдәле комедиясен күрсәтеп 2 нче урынга лаек булды. 
Абруйлы жюри әгъзалары: Баулы халык театры режиссеры- Фахриев М.М , ветеран укытучы. Бөтендөнья татар конгрессының Баулы муниципаль районы бүлеге рәисе - Рәзинә апа Закирҗановна, татар теле һәм әдәбияты укытучыларының район методик берләшмә җитәкчесе- Вәлиева А.Д , татар теле һәм әдәбияты укытучы -Вильданова Л.З . Җиде - авыл мәктәбе,7- шәһәр мәктәбе, 1- Туймазы мәктәбеннән катнашучы укучылары арасыннан сәхнәдә үз-үзен тотышы, башкару осталыгы, интонациясе, сүзләрне дөрес әйтү, дикциясе югары бәяләрлек булган, тыңлаучы белән аралаша белгән, тамашачының кичерешләренә йогынты ясый алганнарны бәяләде. Шундый талантлы укучы-артистлар: 8 нче сыйныф укучылары-Галиуллин Айнур, Мухамадиева Рания, Валиуллин Римир,Халиуллина Миләүшә, 10 нчы сыйныф укучысы-Самигуллина Айзәрә, 7 нче сыйныф укучысы-Рамазанов Ленар. Сезгә сәламәтлек һәм укуыгызда уңышлар! Иҗат чишмәгез бервакытта да саекмасын!