Балаларны яклау буенча мәктәбебезгә районның янгын сүндерүчеләр командасыннан вәкил килде. Ул тормыш өчен куркыныч ситуацияләрдә үз-үзеңне ничек тотарга кирәклекне, кемнән нтчек ярдәм сорарга булганны аңлатты. Янгын сүндерүчеләрнең киемнәре, эш инструментлары беләи таныштырды.

29 нчы август көнне педсовет булды. Анда үткән уку елында эшләнгән эшләргә, ирешелгән уңышларга, укучыларның имтихан нәтиҗәләренә анализ ясалды, яңа уку елына әзерлек мәсьәләләре каралды, яңа бурычлар билгеләнде, борчыган сораулар, хәл итәсе проблемалар уртага салып сөйләшенде. Яңа уку елына яңа эш планнары, программалар расланды. 

   Көтеп алынган бәйрәм. 11 нче сыйныф укучыларының  чыгарылыш кичәсе. Кулларда – аттестатлар, күңелләрдә-хыяллар. Киләчәгегез матур булсын, хыялларыгыз чынга ашсын, балалар. Барыр юлларыгыз киң, дусларыгыз үзегезгә тиң булсын. Без сезгә иң изге теләкләрдә калабыз.

  Укучылар өчен авыл китапханәсендә Пушкин иҗатына багышланган кичә булды. Алар шагыйрьнең шигырьләрен укыдылар, викторина сорауларына җаваплар эзләделәр, шагыйрь турында өстәмә мәгълүмат  алдылар.

1 нче июнь көнне мәктәбебездә зур бәйрәм булды. Ул “Күңелле балачак” дип аталды. Башлангыч сыйныф укучылары арасында “Иң яхшы шигырь сөйләүче”, “Иң яхшы җырлаучы”, “Иң матур биюче” дигән номинацияләрдә бәйгеләр оештырылды. Һәр укучы тырышып әзерләнгән, һәркемнең җиңүче буласы килде. Жюри әгъзалары җиңүче һәм призёрларны билгеләделәр. Аларга грамоталар һәм тәмле   бүләкләр тапшырылды. Һәрвакыт шулай күңелле һәм сәнгатьне яратып яшәгез.

    Балаларны яклау көнендә бәйрәм табигать кочагында дәвам итте. Балалар өчен монда да кызыклы уеннар буенча ярышлар үткәрелде. Төрле уеннарда җиңүчеләр бүләкләргә ия булдылар. Уеннардан һәр бала канәгать калды. Бәйрәмне оештыручы укытучы апаларына һәм авыл китапханәсе мөдире Фәридә апаларына рәхмәт белдерделәр.

    28 нче майдан-31 нче майга кадәр 10 нчы сыйныф егетләре хәрби җыеннарда булып кайттылар. Безнең мәктәптән 4 нче взвод составында Фаиль катнашты. Укучылар бу җыеннарда бик күп төрле спорт һәм хәрби уеннарда катнаштылар һәм сынатмадылар.

Чыгарылыш сыйныф укучылары өчен соңгы кыңгырау бәйрәме үтте. Бәйрәмдә әти-әниләр, район администрациясе һәм мәгариф бүлеге вәкилләре, авыл җирлеге башлыгы, “Бола” хуҗалыгы хезмәткәрләре, мәктәп коллективы катнашты. Һәркем балаларга үзләренең иң изге теләкләрен җиткерделәр, имтиханнарда уңышлар теләделәр. Укучылар исә әдәби-музыкаль  чара күрсәттеләр, соңгы кыңгырауны чыңлаттылар. Ак юллар, зур уңышлар сезгә, балалар.

   9 нчы, 11 нче сыйныф укучылары һәм аларның әти-әниләре өчен  сыйныф җыелышы үткәрелде. Ул имтиханнар алдыннан соңгы документлар белән таныштыруга, укучыларга һәм ата-аналарга имтиханнар алдыннан нинди таләпләрне үтәргә тиешлекләрен аңлатуга багышланды.  9 нчы сыйныф укучыларының имтиханнардан соңгы траекториеләре буенча да фикер алышынды, киңәшләр җиткерелде.

  2019 нчы ел өчен “Укучының  мәдәни көндәлеге” проекты эшенә йомгак ясалды. Безнең мәктәптән җиңүче 4 нче сыйныф укучысы Сәмитова Алинә булды. Ул республикакүләм йомгаклау тантанасына чакырылды һәм бик күп бүләкләр, Җиңүче дипломына ия булды. Афәрин, Алинә! Котлыйбыз!