Мәктәптә төрле һәнәрләргә багышланган матур кичә булды. Аны башлангыч сыйныф укучылары әзерләп үткәрде. Бик күп һөнәрләр турында шигырьләр, җырлар өйрәнгәннәр. Аларның әһәмияте һәм тормышта кирәклеге турында чыгышлар ясадылар, инсценировкалар күрсәттеләр. Бик күңелле булды.

  Мәктәбебезнең 5 сыйныф җитәкчесе Галяутдинова Л.М. “Сыйныф җитәкчесе-2019” бәйгесенең  муниципаль этабында катнашып бик уңышлы чыгыш ясады. Бу бәйгедә Ләйсән Мунировна призер булды. Һәрчак яңалыкка омтылучы, тынгысыз йөрәкле укытучыбызга сокланвбыз. Аңа тагын да зур уңышларга ирешүен телибез.

Беренче сыйныф укучысы Азатның  беренче зур җиңүенә багышланган Әлифба бәйрәме булды. Бәйрәмдә барлык башлангыч сыйныф укучылары да актив катнашты. Укучылар бик кызыклы һәм үзенчәлекле чыгышлар әзерләгәннәр иде.

5 нче февраль көнне мәктәбебездә китап укучылар бәйрәме булды. Иң күп китап укучылар билгеләнде. Алар үзләре яраткан  авторларның шигырьләрен татар телендә сәнгатьле итеп сөйләделәр, туган тел турында матур җырлар башкардылар.

Бөек Ватан сугышы тарихында Ленинград блокадасы-иң аянычлы вакыйгаларның берсе. Шул ук вакытта бу  халкыбызның ныклыгын, фашист илбасарларын җиңүгә ышанычын да күрсәтте. 872 көнлек камалышта ачлыктан 632253 ленинградлының гомере өзелә. 2019 нчы елның 27 нче гыйнварында Ленинград камалышы өзелүгә 75 ел тулды. Шул уңайдан  мәктәптә  “Ленинград камалыш елларында” дигән тема астында батырлык дәресе үткәрелде. Ул тарих укытучысы һәм яшьармиячеләр оешмасы членнары катнашында үтте. “Ленинград Бөек Ватан сугышы елларында” дигән темага  китаплар күргәзмәсе белән дә танышырга мөмкин иде. Укучыларга Ленинград камалышы көннәренә багышланган видеофильм да күрсәтелде.

28 нче январьда мәктәптә театр елын ачу тантанасы булды. Укучылар татар театры тарихы турында чыгышлар ясадылар. Театрга багышланган шигырьләр сөйләделәр, спектакльләрдән матур-матур җырлар башкардылар. Бик күңелле һәм мавыктыргыч тамаша булды. 

  Гынвар аенда фронтовик шагыйрь Ф.Кәримнең туган көне билгеләп үтелә. Безнең мәктәптә дә шуңа багышлап зур әдәби-музыкаль чара үткәрелде. Анда укучылар Ф.Кәримнең тормыш юлы һәм иҗаты белән ташыштырдылар. Шагыйрьнең шигырьләрен сөйләделәр, фронттан язган хатларын укыдылар, аның шигырьләренә язылган җырларны башкардылар. Бик мәгълүмати һәм тәрбияви чара булды.

21 нче гыйнвар көнне  9, 11 нче сыйныф укучыларының ата-аналары җыелышы булды. Барлык ата-аналар да катнашты. Җыелышта укучыларның 1 нче яртыеллыкта үткәрелгән сынау тестированиеләренең нәтиҗәләре; район күләмендә үткәрелгән тест эшләренең нәтиҗәләре презентацияләр рәвешендә күрсәтелде.  ЕГЭ һәм ОГЭ расписаниеләре белән таныштырылдылар. 9 нсы сыйныф укучылары өчен үткәрелә торган телдән аралашу (әңгәмә) процедурасы турында аңлатылды. Үткәрү вакыты, урыны, тәртибе, үткәрү методикасы аңлатылды. Укучыларга заявлениеләр, ата-аналарга согласиеләр яздырылды. 

“Укучының мәдәни көндәлеге” порталы уздырган  “Доброта спасёт мир” видео бәйгесендә катнашып мәктәбебез укучысы Сабирҗанова Язилә җиңү яулады һәм Казан Кремлендә урнашкан “Манеж”күргәзмәләр залына “Кыш бабай һәм барысы,барысы”яңа ел тамашасына чакыру билеты белән бүләкләнде.

«Укучының мәдәни көндәлеге” порталында бәйгеләр оештырыла. Бу бәйгеләрнең беренче этабында мәктәбебез укучылары да җиңүчеләр  булдылар. 4нче сыйныф укучылары Сабирҗанова Язилә һәм Сәмитова Алинәләр Татарстан Республикасы Президенты катнашлыгында уза торган Чыршы бәйрәменә чакыру билеты белән бүләкләнделәр. Афәрин,кызлар!!!