Ниһаять , укучыларыбыз кулларына өлгергәнлек аттестатлары алдылар. Мәктәбебезне биш кыз - биш йолдыз тәмамлады. Аттестатлары да йолдызлар кебек кызарып янып торалар. Алда юллар , юллар ... балалар, сезгә аларның киңнәре, уңышлылыары, бәхетлеләре насыйп булсын. 

22 июнь көнне Бөек Ватан сугышында һәлак булган солдатларны искә алып , "Хәтер шәме " акциясе үткәрелде .

Язгы эшләрдән соң районыбызда сабан туйлары гөрләп узды. Бу бәйрәмнән мәктәп коллективы да читтә калмады. Төрле тәмле ризыклар пешереп, сабантуй табынын бизәдек. Бәйрәмдә уеннарда катнаштык. Сабан туе бик күңелле узды.

Балаларны яклау көне уңаеннан мәктәбебездә зур хәрби чара оештырылды. Ул эвакуация белән башланып китте. Аннары төрле хәрби уеннардан торган ярышлар белән дәвам итте. Укучылар бик теләп билгеләнгән каршылыкларны җиңделәр.

Укуларны уңышлы төгәлләп, балалар каникулларга китте. Җәйге каникул вакытында укучылар белергә һәм үтәргә тиешле тормыш куркынычсызлыгы кагыйдәләре белән таныштырылдылар. Укучыларның җәйге каникуллар вакытында тәртипләре һәм исәнлекләре  өчен ата-аналарның җаваплылыклыры һәр гаиләгә дә җиткерелде. Исән-сау ял итеп, көч туплап килегез, балалар.

10 сыйныф укучыларының хәрби-кыр җыены тәмам. Алар биш көн дәвамында ел буе өйрәнгән белемнәрен практикада кулландылар . Безнең мәктәптән дә бер укучы катнашып күп кенә грамоталар алып кайтты .

Башлангыч сыйныф укучылары укуның соңгы көннәрен файдалы хезмәттә үткәрделәр. Алар дару үләннәре җыйдылар, шул ук вакытта саф һавада, матур табигать кочагында ял да иттеләр.

24 нче май көнне 9, 11 нче сыйныф укучылары өчен соңгы  кыңгырау чыңлады. Бәйрәмдә ата-аналар, авылыбыз җитәкчеләре һәм район администрациясе, мәгариф бүлеге вәкилләре дә катнашты. Һәркем укучыларга изге теләкләрен җиткерде; зур уңышлар теләде. Чөнки әле чыгарылыш сыйныф укучыларын алда тагын да зур сынаулар көтә. Дәүләт имтиханнары, максатларны чынлык итәсе...

   Мәдәни көндәлекләр  белән эшкә район тарафыннан нәтиҗәләр ясалды. 3 нче сыйныф укучысы Сәмитова Алинә көндәлеге 2 нче урынга лаек булды.

  VI район математик конференциясендә 8 нчы сыйныф укучысы катнашты. Үз проектын уңышлы яклап 1 нче урынга  лаек булды.