19 нчы май Пионерия туган көн уңае белән кече сабантуй үткәрелде. Укучылар өчен төрле спорт уеннары һәм кызыклы  ярышлар оештырылды. Капчык киеп йөгерү, кашыкка йомырка куеп йөгерү, сулы чиләкләр белән йөгерү, бүләк кисү һ.б. Соңыннан тәмле ризыклары белән бергәләшеп сыйландылар.

Районыбыз тарафыннан оештырылган “лучший скворечник-общежитие” конкурсында 2 нче урынга лаек булдык. Диплом һәм акчалата сертификат белән бүләкләндек.

19, 23 нче май көннәрендә укучыларыбыз Буага театрга бардылар. Барлыгы 34 укучы катнашты. Тамашалар балаларыбызга бик ошады.

Мәктәбебез юнармиячеләре авылыбыз янәшәсендә "Юнармиячеләр аллеясы " утыртты . Барысы 250 төп ёлка һәм пихта агачларыннан торган урынны алар су сибеп җәй буе тәрбияләп торачак .

  17 нче тапкыр үткәрелә торган район экологик конференциясендә быел да уңышлы чыгыш ясап, 10 нчы сыйныф укучысы Нәргизә лауреат исеменә лаек булды. Тирә-ягыбызны чиста, саф тотарга омтылыйк; табигатебезне саклыйк.

Буа туган як музее тарафыннан 15 нче май-Гаилә көненә багышлап   “Крепкая семья” проекты  астында үткәрелгән сочинениеләр конкурсында 10 нчы сыйныф укучысы Нәргизә уңышлы чыгыш ясап 2 нче урынга лаек булды һәм диплом, китаплар белән бүләкләнде. Һәр балага да тигез, тыныч, нык, тату гаиләдә яшәргә язсын.

16 нчы май көнне  район һәм республика этапларында  фән олимпиадаларында җиңүчеләрне зурладылар. Тантана район мәдәният үзәгендә үтте. Безнең мәктәптән татар теле һәм әдәбияты буенча җиңгән 2 укучы (10, 11 нче сыйныф) чакырылды. Аларга район администрациясенең рәхмәт хатлары һәм бүләкләре тапшырылды. Балаларыбызны шулай зурлаган администрация һәм мәгариф бүлеге җитәкчеләренә зур рәхмәт!

Укучылар мәктәп тирәсен чистартуны дәвам итәләр. Тирә-якны чүп-чардан арындыралар, чәчәк түтәлләре ясыйлар.

8 май көнне мәктәбебезнең алдынгы "Юнармия" челәре район үзегендә "Юнармия"  штабы алдында үзләренең ел буе эшләгән эшләре буенча отчет тотылар . Безнең оешма районда иң алдыгылар рәтендә икәнлеген дәлилләп грамота алып кайтты. Отчеттан соң укучылар Ватан Сугышында һәлак булган райондашлар һәйкәленә чәчәкләр куйдылар .

“Үлемсез полк” акциясендә укучыларыбыз һәм укытучылар зур горурлык хисләре белән катнашалар. Быел да һәркем үзенең фронтовик бабасының фотоларын күтәреп һәйкәл янына җыелды. Шуннан тигез сафларда авыл урамнары буйлап уздылар.