ГТО нормаларын укучылар агымдагы елның 1 сентябреннән башлап тапшыра башлаячаклар.  Беренче этап – 2014-2015 еллар – мәгариф учреждениеләре өчен булса, 2017 елдан инде барлык теләүчеләр дә  әлеге нормаларны тапшыра алачак. Безнең мәктәп укучылары да ГТО нормаларын тапшыра башлады. 

"Финанс нигезләре" көне кысаларында мәктәптә Росгосстрах агенты Сиразова Гөлсинә Җәмил кызы белән очрашу үткәрелде. "Иминиятләштерү : бүген һәм иртәгә" дип исемләнгән сөйләшүдә Гөлсинә Җәмил кызы укучыларга иминиятләштерүнең ни өчен кирәклеген аңлатты. сорауларга җавап бирде...

2004 елның 1 сентябрендә Беслан шәһәрендәге 1 номерлы мәктәпне террорчылар басып алды. Рәсми мәгълүматлар буенча, шушы террорчылык акты нәтиҗәсендә 1-3 сентябрьдә 331 кеше үлде, аларның 186сы балалар, 15е укытучылар, 10ысы хәрбиләр, калганнары әти-әниләр һәм килгән кунаклар. 900дән артык кеше төрле җәрәхәтләр алды. 

Безнең мәктәптә Беслан трагедиясенә 10 ел тулуга багышланган чара узды.  Террорчылык актында һәлак булганнарны бер минут тынлык белән искә алдык.

Исәнме,саумы,сентябрь,                                                                        

Безнең яңа ел!

Синнән башлана тормышка

Якты,яңа юл!

Исәнме,сөекле мәктәп!

Көттеңме безне?

Шундый түземсезлек белән

Көттек без көзне!

Мәктәбебездә Белем бәйрәме бик күңелле узды.Мәктәп бусагасын тәүге кабат атлап керүче 3 бала өчен бу бәйрәм икеләтә шатлыклы булды.Аларның шатлыгын уртаклашырга әти-әниләре  килгән иде.Хәерле юл сезгә,балалар! Уңышлар,тырышлык,түземлелек сезнең тугры юлдашыгыз булсын!

 Бүген безнең мәктәптә соңгы кыңгырау бәйрәме узды. Күңелләрдә гомерлеккә уелып калачак шатлыклы да, моңсу да булган бу тантаналы бәйрәмдә иңнәрендә очар канат тойган чыгарылыш сыйныф укучылары мәктәп, укытучылар коллективы белән саубуллаша. Алда – белем буразналарында 9 ел буе инә белән кое казып гыйлем туплауга исәп-хисап тотып, дәүләт имтиханнарын тапшыру. Быел безнең мәктәпне 9  укучы тәмамлый.

Соңгы кыңгырау бәйрәме котлы булсын! Сынауларда тел ачкычы, тапкырлык, зиһенлелек, тәүфыйк юлдаш булып, киләчәктә туплаган гыйлемнәренең файдасын күреп, иминлектә яшәргә язсын.

Районда оешкан "Буа энҗеләре" әдәби клубы җитәкчелегендә  6 сыйныф укучысы Җамалиева Раиләнең "Язгы мизгелләр" дип аталган шигыре район газетасында басылды

26 нчы апрель көнне безнең мәктәптә татар халкының бөек шагыйре- Габдулла Тукайга багышланган "Тукай- безнең күңелләрдә" дип исемләнгән әдәби-музыкаль кичә оештырылды. Кичәне татар теле һәм әдәбият укытучысы Латыпова Фирая Равил кызы үткәрде 

Сугыш елы балалары белән очрашу кичәсе үтте. Очрашуда өлкәннәр үзләренең сугыш елларындагы хатирәләрен яңарттылар. Очрашу чәй өстәле янында үтте. Аларга мәктәп укучылары үзләренең җырларын бүләк иттеләр. 

22 нче апрельдә "Озын толым "  бәйгесе үткәрелде. Бәйгедә 4 кыз катнашты. Алар барлык биремнәрне дә тырышып башкардылар. "Иң оста биюче", "Иң матур җырлаучы", "Иң уңган кыз" , "Иң актив кыз" номинациясендә җиңү яуладылар.

21 апрель көнне атналыкны ачу. Иҗади конкурс ( шигырьләр иҗат итү)