2016 нчы елның 14 нче февралендә мәктәп күләмендә “Чаңгы эзе – 2016”  үтте.  Укучылар, укытучылар һәм берничә авыл яшьләре катнашты. Ил күләмендә үткән “Чаңгы эзе” өлкән буын кешеләрен  балачакларына алып кайтса, яшь буынга исә, сәламәт яшәү рәвешен дәвам иттерү мөмкинлеген бирде.

Сәламәтлек- иң зур байлык икәнлеген барыбыз да аңлап, спорт белән һәрдаим шөгыльләнеп торыйк!.Киләчәктә дә мондый чаралар булып торыр дигән теләктә калабыз.

Педагог оештыручы Дилүзә Вилданова

         Бүген мәктәптә, бөек шагыйрь Муса Җәлилнең тууына 110 ел тулу уңаеннан   әдәби –музыкаль кичә үтте.

Бәйрәм 5 нче сыйныф укучылары башкаруында  шагыйрьнең “Җырларым” – дип исемләнгән җыры белән башланып китте. Укучылар кичәгә  шагыйрьнең үзе турында һәм аңа атап язылган истәлекләрен   барлаган презентация әзерләп килгән иделәр, шушы презентацияләр күрсәтелде. Бәйрәмдә шагыйрьнең җырлары, шигырьләре яңгырады һәм  төрле милләт биюләре белән үрелеп барды.

Мәктәптә шагыйрьнең юбилеена багышланган аерым план төзелгән иде. Шушы план нигезендә башкарылган эшләргә татар теле укытучылары,  авыл һәм мәктәп китапханәчеләре  нәтиҗә ясады. Иң актив катнашкан балалар билгеләп үтелде.

Кичәне татар теле һәм әдәбияты укытучысы Г.Ф. Насибуллина Муса Җәлилгә багышлап язган “Гомер йомгагы”  дип исемләнгән шигыре белән тәмамлады.

11 февраля  в школе учащиеся начальных классов своими выступлениями открыли конкурс чтецов стихотворений, посвящённых 110-летию героя-поэта татарского народа Мусы Джалиля. Учащиеся читали  его произведения и стихи.

9 нчы февраль-мәктәптә Ф.Яруллинны искә алу кичәсе үткәрелде.Башлангыч сыйныф укытучылары укучыларны язучының тормыш һәм иҗат юлы белән таныштырдылар.Кичә барышында шигырьләр,әсәрләрдән өзекләр укылды,анализ ясалды.

Началась  зимняя сессия по сдаче ГТО. Обучающиеся со 2 по 9 класс активно приняли участие. 

Бүген укучылар белән иң четерекле темага әңгәмә үткәрдек. Әңгәмәдә авылыбыз фельдшеры Ландыш Әмирҗан кызы Закирова да катнашты.Ул укучыларга яшүсмер чорында кеше организмы кичергән үзгәрешләр, бүгенге замана  афәте булган йогышлы авырулар һәм алардан саклану чаралары турында сөйләде.Шулай ук укучыларны кызыксындырган сорауларга да җавап бирде. Сыйныф сәгатен методик берләшмә җитәкчесе Гөлинә Фатых кызы Насибуллина үткәрде. Әңгәмә барышында “җенси тәрбия” темасына караган презентация дә күрсәтелде.

30 нчы гыйнвар көнне мәктәптә Ватанны саклаучылар көненә багышланган Хәрби гражданлык- патриатизм айлыгы кысаларында авылыбыз герое Зариф Закир улы Алимовны искә алу кичәсе булды. Тантаналы линейкада укучылар Зариф Закир улының батырлыгы турында сөйләп үттеләр.

Тарих укытучысы Закиров Ильнур Заер улы белән берлектә әзерләнгән презентация күрсәтелде. Ә физкультура укытучысы Замалтдинов Рафагать батыр истәлегенә волейбол ярышы оештырды. Ярышта 8 нче сыйныф укучылары җиңүчеләр булды.

Батырларны онытырга безнең хакыбыз юк.

Быел илдә гриппның иң котырган чагы февраль уртасына туры килә дисәләр дә, соңгы мәгълүматларга караганда, ай башында ук  Русия Федерациясенең 40 ка якын регионында грипп эпидемик чикне узып киткән. Бу исемлеккә Татарстан да керә. Дөньяны өркеткән дуңгыз гриппыннан саклану һәм кисәтү чараларын өйрәнүне башлангыч сыйныфлар белән башлап җибәрдек. Организмның иммун системасын ныгыту өчен җиләк – җимешләр кулланырга, спорт белән шөгыльләнергә, урамда, мәктәптә борынны бәйләп махсус битлек кияргә киңәш ителә.

С целью предупреждения опасности при пожаре проводилась  эвакуация. В ходе общего построения учителем ОБЖ  Замалтдиновым  Р.А. был проведён краткий инструктаж техники безопасности при возгорании в образовательном учреждении.