12-14 гыйнвар көннәрендә Казанда химия фәненнән "Путь к олимпу"республика олимпиадасында мәктәбебезнең 9 нчы  сыйныф укучысы Сәгъдиева Ләйсән катнаша.  Уңышлар теләп калабыз.Җитәкчесе (Сабирова Г.Х.)

Күңелле һәм файдалы яллардан соң,иң озын уку чиреге башланды.Хәерле сәгатьләрдә!!!Укуларыгызда уңышлар юлдаш булсын!

Бүген педагогик хезмәткәрләрнең  "Тәрбия эшендә заманча технологияләр" дигән темага педагогик совет утырышы уздырылды.Педагогик совет утырышында "Тәрбия эшендә заманча технологияләр" дигән темага 6 нчы сыйныф җитәкчесе Вилданова Л.Х. тарафыннан  доклад тыңланды ,тәрбия эшләре директор урынбасары Багавиева Э.Р. үзенең чыгышында ата-аналар белән эшләүнең актуаль формаларына тукталды. Уку-укыту эшләре буенча директор урынбасары Насретдинова А.Г. 2 нче чирек нәтиҗәләре белән таныштырды.Мәктәп директоры Хәмидуллин И.И. төрлеләргә тукталды. 

Мәктәп укучыларының ялы файдалы да, күңелле дә, куркынычсыз да үтәргә тиеш. Әлеге максатларны күз алдында тотып, укытучылар балалар белән каникул чорында да тыгыз элемтәдә тора. Укучылар сыйныф җитәкчеләре белән очрашып, саф һавада уеннар уйнап, чаңгыда шуып кайттылар. Тиздән башланачак яңа уку чирегенә укучылар көч туплап, рәхәтләнеп ял итеп киләчәкләр.

Бүген кышкы лагерьда ял итүчеләр көннең беренче яртысында имтиханнарга әзерләнсәләр,көннең икенче яртысында саф һавада рәхәтләнеп чаңгы шуып кайттылар.

Иртәгә 9 нчы сыйныф укучыларының математика фәненнән сынап карау имтиханы үткәреләчәк. Шул уңайдан укучылар бүген математикадан белемнәрен ныгыталар. 

Бүген 9 нчы сыйныф укучылары рус теле фәненнән сынау имтиханы тапшыралар. Аларга зур уңышлар телибез!

6 нчы сыйныф укучысы Хәйретдинова Ләйлә,7 нче сыйныф укучысы Сабиров Сәйдәш (җитәкчесе Хәмидуллина М.С.), фәнни тикшеренү һәм иҗади эшләр Республика конкурсында катнашып II дәрәҗәдәге диплом, 9 нчы сыйныф укучысы Ахметшина Алия (җитәкчесе Сабирова Г.Х.) II дәрәҗәдәге диплом, 4 нче сыйныф укучысы Сиразиева Гөлназ (җитәкчесе Вилданова Д.Р.) III дәрәҗәдәге дипломга лаек булдылар. Җиңүчеләребезне котлыйбыз! 

Укучыларның каникуллары файдалы да,  күңелле дә үтсен өчен әти-әниләр дә, укытучылар да тырыша. Бүген мәктәбебезнең 1,2, һәм 3 нче сыйныф укучылары "Салават күпере" спорт-сәламәтләндерү комплексына су коенырга бардылар. 

Бүген "Салават күпере" спорт комплексында актив укучылар өчен чыршы бәйрәме уздырылды. Чыршы бәйрәмендә балалар төрле концерт номерлары белән чыгыш ясадылар. Безнең мәктәптән 7 нче сыйныф укучысы Хикматуллина Кадрия "Яңа ел сәгатьләре" җыры белән чыгыш ясады. Бу бәйрәмдә шулай ук 8 нче сыйныфтан Гирфанова Ләйлә,Гирфанова Адилә, Сабирова Илсөя, Хәйруллина Илзирә дә катнашты. Бәйрәм бик күңелле булды.