25 декабрьдән 9 нчы сыйныф укучылары өчен кышкы лагерь эшли башлады. Лагерьда укучылар ял итү белән берлектә имтиханнарга әзерләнү эшләрен дә алып баралар.

Бүген Казан шәһәрендә укучыларның республикакүләм Президент Чыршысы бәйрәме үтте. Әлеге күңелле чарада безнең мәктәптән 9  нчы  сыйныф укучысы Ахметшина Алия  катнашты. 

Бүген мәктәптә башлангыч сыйныфлар өчен "Яңа ел могҗизалары" бәйрәме булып үтте. Яңа ел тамашасы әкиятләштерелгән формада уздырылды. Балалар чыршы әйләнәсендә үзләренең матур шигырьләрен, җырларын башкардылар, биюләрен күрсәттеләр, төрле уеннарда катнаштылар. Тамашага укучыларның әти-әниләре дә килде.  Тамаша ахырында барлык укучылар Кыш бабай кулыннан "Яңа ел "бүләкләре алдылар.

Бүген 6-9 нчы сыйныф укучыларының "Хуш киләсең,Яңа ел"! исемле Яңа ел бәйрәме уздырылды.Бәйрәмне сыйныф җитәкчеләре белән берлектә 7 сыйныф укучылары уздырды.  Быелгы бәйрәмгә  Яңа елга багышлап бию башкару,фото төшү өчен фон ясау, плакат чыгару һ.б бәйгеләрдә катнаштылар. Бәйрәм ахырында жюри җиңүчеләрне билгеләде: I нче урында - 9 нчы сыйныф, II нче урында - 6 нчы сыйныф, III нче урында  - 8  сыйныф укучылары булды. Тамаша ахырында барлык укучыларга да Яңа ел бүләкләре таратылды.

 Мәктәбебез укучылары һәм укытучылары Яңа 2018 нче елга әзерлек эшләрен башлап җибәрде.Барчабыз да тырышып мәктәп эчен бизибез, кардан  төрле фигуралар ясыйбыз. 

Мәктәбебездә яңа елга әзерлек эшләре дәвам итә. Сыйныфларда яңа елга карата стенгазеталар чыгарыла,сыйныфлар бизәлә. 9 сыйныф укучысы Салаватуллина Айзилә ясаган рәсем аеруча да игътибар үзәгендә.

Бүген 1 нче сыйныфта "ачык ишекләр" көне булды. Сыйныф җитәкчесе Багавиева Э.Р. ата-аналарга әлифба һәм математика фәннәреннән ачык дәресләр күрсәтте.

Ватан геройлары көне алдыннан игълан ителгән стена газеталары арасында мәктәбебезнең "Патриотлар" яшь юнармия вәкилләре тарафынан чыгарылган "Геройлар безнең янәшәдә" исеме астында чыгарылган газета район буенча 3 урынга лаек дип табылды. Афәрин,укучылар,котлыйбыз!