Кичә мәктәптә ата-аналар җыелышы булды. Класс җитәкчесе Бәдретдинова Г.М. "Гаиләдә ата-ана белән бала арасындагы каршылыклар һәм аларны хәл итү юллары" дигән темага чыгыш ясады, каршылыкларның сәбәпләрен, чишү юлларын аңлатты, киңәшләр бирде. Авыл фельдшеры Зарипова Г.Н.  2015нче ел илебездә «Йөрәк-кан тамырлары авыруларына каршы көрәш елы» дип игълан ителүен әйтте, авыруны булдырмау чаралары белән таныштырды, киңәшләрен бирде.Җыелышның икенче өлешендә укучылар бәйрәм концерты күрсәттеләр. Барлык хатын кызларыбызны ихлас күңелдән 8 март ― Халыкара хатын-кызлар көне белән тәбрик итәбез! 

Россиякүләм олимпиадаларының  республика турында укучыларыбыз  4 призлы урын яуладылар:  Җәлилова А.М. ОБЖ фәненнән (укытучысы- Әхмәтов Р.Ә.), Мурзина И.Ә. татар теленнән ( укытучысы- Шамсова Р.Д.), Насретдинова А.И. рус теленнән ( укытучысы- Фаррахова Р.Г.), Җәлилова А.М. литература фәненнән ( укытучысы- Фаррахова Р.Г.). Аларны чын күңелдән  уңышлары белән котлыйбыз, сәламәтлек телибез.

Россиякүләм олимпиадаларының район турында укучылар 22 фәннән  катнаштылар. 10 укучыбыз : Мурзина И.А., Бәдретдинова А.Р.,  Җәлилова А.М, Вәлиева А.Ф, Якупов И.Ф., Насретдинова А.И. ,Мухамадиев И.А., Мурзова  О.,  Нәбиев А.А., Шакирянов И.И. 26 призлы урын яулады. Аларны уңышлары белән котлыйбыз, рәхмәтебезне белдерәбез.

Кичә 8 класс укучылары Агромастерга экскурсиягә бардылар, үзләрен кызыксындырган сорауларга җаваплар алдылар.

21 нче февраль - Халыкара Туган тел көне. Бу көнне билгеләп үтү инициативасы белән Бангладеш Республикасы чыга. Анда 1957 нче елның 21нче  февралендә, туган телдә белем алу хокукын даулап, биш студент һәлак була. Бу көн 2000 нче елдан башлап ЮНЕСКО карары нигезендә билгеләп үтелә башлады.
Безнең мәктәптә бу бәйрәмне татар теле һәм әдәбияты укытучысы Шамсова Р.Д. оештырды. Укучылар шигырьләр сөйләделәр, тапкырлыкта көч сынаштылар. Бәйрәм Г.Тукайның "Туган тел" җыры белән тәмамланды.

Кичә мәктәптә гомуми ата-аналар җыелышы узды. Җыелышта 9 класс укучыларының сыйныф җитәкчесе Шакирянова З.Ә. тәрбия темасына, укыту-тәрбия эшләре буенча директор урынбасары Хамматуллина Р.М. чирек йомгаклары турында чыгыш ясады.

Советлар Союзы Герое Вәҗетдинов Г.В. призына ату ярышларында мәктәп командасы 2 урынны яулады.Шәхси беренчелектә Якупов И. II урын , Насретдинова А. I урын алды. Аларны бу җиңүләре белән котлыйбыз, алда да уңышлар телибез.

"Ел класс җитәкчесе" конкурсында катнашкан Мурзина С.Н. "За педагогические находки и творчество" номинациясендә җиңү яулады, мактау грамотасы һәм кыйммәтле бүләккә ия булды. Аны бу җиңүе белән котлыйбыз, уңышлар телибез.

Мәктәптә студентлар белән очрашу кичәсе үтте. Студентлар төрле уку йортлары турында сөйләделәр.