Бакчабызның уртанчылар төркемендә "Кошларга ярдәм ит" акциясе утте. Балалар әти - әниләре белән берлектә җимлекләр ясап алып килделәр.Җимлекләрне саф һавага чыккач балалар тәрбияче апалары белән бергәләп урнаштырдылар.

     Тиздән, бик тиздән Чыршы бәйрәмнәре башланыр, Яңа ел да , Кыш бабай белән Кар кызы да килеп җитәр.  Бүген уртанчылар төркеме балалары үзләренең бүлмәсендәге чыршыны бизәде. Алар шарлар, кар бөртекләре ясап куйдылар, үз куллары белән матур чылбыр ясап элделәр. Чыршы бик матур булды. Төркемгә бәйрәмгә килгән кунаклар да, Кыш бабай да чыршыны яратырлар, аңа карап сокланырлар.

    Өстәл театры һәм бармак белән уеннар баланың баш миен үстерә, сөйләм үсешен, иҗади сәләтләрен, сабыйның фантазиясен стимуллаштыра. Бакчабызның зурлар төркеме балалары көндә кечкенә генә спектакльләр, күренешләр, әкиятләр уйныйлар.

      Бүген урамда бик матур җылы көн булды,бакчабызның мәктәпкә әзерлек төркеме балалары шул мөмкинлектән файдаланып бергәләшеп кар бабай ясап куйдылар.

Тәгәрәтеп ак карны,

Ясадык кар бабайны.

Куйдык кишердән борын,

Ясадык ике кулын.                     

Күзләре- кара күмер.

Дидек: “Син урам себер!”

Зур себерке тоттырдык,

 Көлешеп карап тордык.

    Уртынчылар төркем балалары сәламәтлекләрен ныгыту максаты белән даими рәвештә саф һавага чыгалар. Кардан төрле сыннар ясап Яңа ел килүен көтәләр.

    Бакчабызның зурлар төркемендә тәрбияләнүче балалар  саф һавада уйнарга ярата, җылы, җилсез көннәрне көтеп ала. Бүген дә алар уен вакытында ак карга рәсемнәр ясадылар ,хәрәкәтле уеннар уйнадылар. Шулай ук кошларны күзәтеп, җимлекләргә җимнәр салдылар.

   28 ноябрь көнне Зифа Басыйрова исемендәге мәдәният йортында әниләр көненә багышланган  "Җиргә матурлыкны, сез  бирәсез газиз әниләр..." кичәсендә бакчабызда бик күп еллар яшь буынга белем-тәрбия биргән тәрбиячебез, үзедә ике бала әнисе булган Имамова Розалия Миргазиян кызы бүләкләнде.

 28 ноябрь көнне бакчабызның мәктәпкә әзерлек төркемендә балаларның физик күрсәткечләре тикшерелде. Балалар сыгылмалыкларын, ераклыкка сикерү,туп ыргыу, сафка тезелеп басу, колоналарга бүленү буенча белемнәрен  күрсәтеп, югары бәя алды . 

       Туган җиребезгә карата  кечкенәдән  мәхәббәт,  горурлык, хисләре тәрбияләү максатыннан  бакчабызның мәктәпкә әзерлек төркеме балалары  һәр мөслимлеле белергә тиешле кагыйдәләрне өйрәнәләр. Шулай ук бакчабызның һәр төркемендә «Мөслимлеләр кагыйдәләре»  дип аталган күчмә папкалар булдырылды.