Зурлар һәм мәктәпкә әзерлеке төркеме балалары мәктәпкә экскурсиягэ бардылар. Алар классларны карадылар, парта артына утырып карадылар, мәктәп музеенда булдылар.

Мәктәпкә әзерлек төркеменә йөрүче балалар ( тәрбиячеләре Хаматшина Р.В., музыка җитәкчесе Гарипова А.А.) "Урман мәктәбе " исемле спектакль әзерләделәр. Аларның чыгышыннан әти-әниләр бик кәнагатъ калдылар.

Буген балалар белән Җиңү көненә багышланган митингта катнаштык. Балалар авыл халкы алдында чыгыш ясадылар, бакча коллективы исеменнән сугыш кырларында ятып калган авылдашлар  хөрмәтенә чәчәкләр салынды.

Бакча территориясен чистарту, матурлау эшләре дәвам итә. Бу атнада агачлар матурлап киселде, ишек алды тәртипкә китерелде, чуп түгү эшләре башкарылды.

Талантлы балаларның Яшь бөре - 2017 конкурсының район турында безнең бакчадан ике бала вокал-соло номинациясендә 2 урын алдылар.

Авыл мәдәният йортында Тукай көне билгеләп үтелде. Мәктәпкә әзерлек төркеме "Кызыклы шәкерт", "Бала белән күбәләк", "Су анасы" әсәрләрен сәхнәләштерде.

"Чисталык икеайлыгы"  кысаларында өмәләр дәвам итә. Шушы максаттан бакча территориясе чүп-чардан арындырылды, кар өемнәре таратылды, складлар тәртипкә китерелде.Алдагы көннәрдә чистарту эшләре дәвам итәчәк. Бакча ихатасында карт агачларны кисү, яңаларын утырту эшләре башкарылачак.

Бу көнне тәрбиячеләр Кубәк урта мәктәбе укучылары оештырган "Делать добро никогда не поздно" акциясендә катнаштылар. Укучыларның максаты - донор булырга өндәү.Бакча хезмәткәрләреннән берничә кеше донор булырга теләк белдерделәр.

Балаларга милли тәрбия бирү буенча лэпбуклар конкурсына тәрбиячеләр Фатхутдинова Г.М., Гарипова А.А. "Уйныйбыз да, җырлыйбыз да" дип исемләнгән лэпбук ясадылар.Тимеркаева Г.Т. әкиятләр буенча лэпбук эшләде. Хаматшина Р.В. һәм Шайхайдарова Г.Д. "Милли бизәкләр" исемле лэпбук тәкъдим иттеләр.

Авыл мәдәният йортында "Мәрхәмәтлелек көне" уңаеннан өлкәннәргә мәктәпкә әзерлек төркеме балалары концерт куйдылар. "Хуҗабикә" клубына йөрүче тәрбиячеләр өлкәннәрне үзләре әзерләгән тәмле ризыклар белән сыйладылар.