Мәктәпкә әзерлек төркеме балалары кечкенә дусларына бәйрәм ясадылар. Алар "Шалкан" әкиятен сәхнәләштерделәр. Балалар рольләрне бик оста башкардылар. Кечкенә артистларның чыгышы балаларга бик ошады.

Буген бакчада "Көзне озату" бәйрәме узды.Балалар көз турында җырлы-биюле уеннар уйнадылар, шигыръләр сөйләделәр.Бәйрәмгә көз кызы Сөмбелә тәмле күчтәнәчләр белән килгән иде.

Бүген "Ачык ишекләр көне" кысаларында бакчада кунакта башлангыч класслар укытучылары булды. Алар ремонттан соң яңарган бакча буйлап экскурсия ясадылар, уртанчылар һәм мәктәпкә әзерлек төркемнәрендә бердәм белем бирү эшчәнлеген карадылар. Соңыннан укытучылар, тәрбиячеләр белән берлектә киңәшмә узды.

"Ачык ишекләр" көне кысаларында уртанчылар төркемендә интегральләшкән бердәм белем бирү эшчәнлеге.

Бүген уртанчылар төркеме балалары табигатъ материаллары кулланып әкият геройлары ясадылар. Эшчәнлек балаларның кул чуклары моторикасын үстерү, уйлау сәләтен арттыру,табигатъкә сак караш тәрбияләү максатыннан уздырылды.

"Күбәләк" балалар бакчасы базасында "Мистер һәм Мисс көз -2016" бәйгесе узды.Бу чарада безнең бакчадан ике бала катнашты. Балалар җыр-бию осталыкларын күрсәтү белән бергә экибано ясау ярышында да катнаштылар.Интеллектуаль бәйгедә дә сынатмадылар.Ярыш нәтиҗәләре буенча "Күбәләк"леләрдән бер баллга гына калышып икенче урынга лаек булдылар.Молодцы, балалар!

13 октябрь көнне бакча хезмәткәрләре белән пожар куркынычсызлыгы буенча инструктаж үткәрелде.

Бүген "Күбәләк" балалар бакчасында "Олимпия утлары - 2016" физкультура- сәламәтләндерү чарасы узды. Ярышлар биш база бакчалары арасында узды.Безнең бакчадан да балалар бик теләп катнаштылар. Ярышлардан соң балалар "Туган якны өйрәнү музеенда" булдылар, паркка экскурсия ясадылар. Балаларны район үзәгенә шәхси автобусы белән алып барган Маликов Гәрәйханга бакча коллективы рәхмәт белдерә.

Балалар, тәрбиячеләр мәктәптә белем бәйрәмендә булдылар, мәктәп белән таныштылар. 1класс укучылары - кичәге бакча балалары белән очраштылар.

Авыл китапханәсендә табышмаклар бәйгесе.