Яр Чаллы шәһәренең ,,Визит" джаз оркестры 2007 нче елда оешкан. Җитәкчесе - Владимир Йосифович Завьялов. Әлеге джаз оркестры, хактан да, шәһәребезнең визит карточкасы кебек, мәдәни-музыкаль йөзен билгели. Гимназия укучылары әлеге оркестр башкаруында татар , рус, инглиз җырларын, көйләрен тыңладылар, гаҗәеп матур музыка дөньясына чумдылар, hәр музыка уен коралының фальшсыз яңгыравын ишеттеләр. Музыкантларның да, яшь тамашачыларның яратып алкышлауларын күреп, куңелләре күтәрелде.

Гимназия укучылары югары белем бирүче уку йортлары белән танышуларын дәвам итәләр. Чиратта - Санкт-Петербургның профсоюзлар гуманитар университеты. Әлеге уку йорты белән таныштыру максатыннан, университетның кабул итү комиссиясе җитәкчесе Уткина Анастасия Сергеевна үзе үк укучылар белән очрашуга килде. Уку йортына керү, яшәү шартлары, студентларның мөмкинлекләре хакында яхшылап аңлатты. Шунысы куанычлы: әлеге уку йортына керергә теләүче укучылар бездә бар, димәк, кирәкле сүз кирәкле вакытта әйтелде.

Тынгысыз җанлы Зәйнуллина Әлфия Тәүфыйковнаны чираттагы җиңүе белән кайнар котлыйбыз. Киләчәктә дә зур уңышлар юлдаш булсын!

М.Вахитов исемендәге икенче гимназия татар милли көрәше буенча батырлары белән билгеле уку йорты. Легендар тренер Шәмсевәлиев Илгиз Вагизовичны исеме рәсәйкүләм билгеле, дисәк тә арттыру булмас. Ә инде сабантуй бәйрәмнәре хакында сөйли китсәң, батыр көрәшчеләрнең бер җәйдә генә җидешәр тәкә алганнары да бар. Харисова Энҗе Мирзануровнаның әлеге китабы нәкъ менә шушы көрәш батырларына багышланган. Укымый калмагыз! Шушы уңайдан, Шәмсевәлиев Илгиз Вәгыйзовичны 60 яшьлек юбилее белән котлыйбыз! Эшендә уңышлар , сәламәтлек, бәхет телибез.

Гимназия укучылары "Шәһри Чаллы" газетасы редакциясе чакыруы буенча шәhәребезнең татар мәтбугаты үзәгендэ булдылар. Әлеге очрашу шул ягы белән отышлы: укучылар "Шәһри Чаллы" , ,,Көмеш кыңгырау " газеталары, ,,Мәйдан" журналы хезмәткәрләренең барысы белән берьюлы күрештеләр, чөнки алар бергә бер бинада, хәтта бер эш бүлмәсендә эшлиләр икән! Укучыларны каршы алгач, журналистлар, узлзренең вазифалары нинди булудан чыгып, элеге hөнәрнең нечкәлекләрен аңлаттылар. Редакциянең hәр хезмәткәре үз эшенең остасы икәнлегенә укучылар ышанды. Аннан инде иң кызыгы башланды: контакт челтәрендә туры эфирга чыгып, узебезнең гимназиядэ чыга торган ,,Минем гимназиям" газетасы тарихы хакында тәфсилләп сөйләү булды. Кунакка буш кул белэн килмилэр, дигәндәй, безнең укучылар да Лилия Фаттахованың мәсәлләрен ятлап килгәннәр иде. Нәфис сүз бәйгесе диярсең, шәп итеп ятлаганнар! Әле шуңа өстәп моңлы җырлар да сузып җибәрделэр. Рәхәт очрашу мизгелләрен сузарга теләп, туйганчы фотоларга төштеләр, әле интервью алырга да өлгерделәр. Менә шушындый истәлекле көн булды, журналистларны жаваплы эшлэреннән беразга гына аерып торсалар да, укучылар канәгать калды.

Гимназиянең түбәндәге укучыларын-Бөтенроссия олимпиадасының региональ этабы һәм республика олимпиадасының йомгаклау этабы призерларын чын күңелдән котлыйбыз!

Астрономия - 7А сыйныф укучысы Ахунов Нияз Ильфатович (укытучы - Вагизова Р.ф.)

Математика - 6А сыйныф укучысы Мавлеев Амирхан Ильдусович (укытучы - Шайхаттарова С.У.)

Рус теле - 11Б сыйныф укучысы Кабирова Аделина Рустемовна (укытучы - Зухурова А.Р.)

Татар әдәбияты - 11Б сыйныф укучысы Демашина Диана Евгеньевна (укытучы - Валеева С.В.)

Татар теле - 4А сыйныф укучысы Калимуллина Регина Руслановна (укытучы - Сагитова А.А.)

Татар теле - 6А сыйныф укучысы Гафиятова Камилла Румилевна (укытучы - Валеева С.В.)

Татар теле - 10Б сыйныф укучысы Ишалина Айсылу Рамиловна (укытучы - Нурисламова Э.А.)

УКУЧЫЛАР ҺӘМ УКЫТУЧЫЛАР!

БАРЫГЫЗГА ДА ЗУР РӘХМӘТЕБЕЗНЕ БЕЛДЕРӘБЕЗ!

УКУЫГЫЗДА, ЭШЕГЕЗДӘ ЗУР УҢЫШЛАР ТЕЛИБЕЗ!

Гимназиябездә хәрби-патриотик тәрбия айлыгы кысаларында бик күп чаралар үткәрелә. Бүген 8 нче сыйныфлар арасында оештырылган хәрбиләрчә атлап җыр башкару бәйгесе үтү моны тагын бер кат дәлилли. Гимназиябездә тормыш иминлеге нигезләрен алып баручы укытучыбыз Мөгинов Фаик Фоатович оештырган әлеге бәйге елның елында югары әзерлек белән башкарыла. Быел бәйге хөкемдары итеп 2нче мәктәпне тәмамлаган, Яр Чаллы шәһәре хәрби комиссариатының элеккеге башлыгы полковник Садыйков Әнәс Фәлигович чакырылган иде. Гимназия Укучылар советы Спикеры Хәмәтгатин Әмирхан Ленар улы белән берлектә бәйгегә дөрес итеп бәя куелды. Бәйгедә һәр командир үзләренә куелган бурычны төгәл үтәделәр. 1 нче урынны 8 Г сыйныфы (сыйныф җитәкчесе Гыйльманова З.Х.), 2 нче урынны 8А һәм 8В сыйныфлары (сыйныф җитәкчеләре Матвеева Л.Ф. һәм Ризванова Г.Р.), 3 нче урынны 8Б сыйныфы ( Хәбибуллин И.Р.) укучылары алды.

Бәйгене оештыруда, үткәрүдә күп көч куйган сыйныф җитәкчеләренә, Фаик Фоатовичка администрация тарафыннан бик зур рәхмәт.

Бүген гимназиябездә "Хәрби -патриотик тәрбия айлыгы" кысаларында тагын бер ярыш үткәрелде. Бу ярыш 10 -11 нче сыйныф егетләре арасында уздырылды. "Ягез әле егетләр!" дип исемләнгән ярыш алты этаптан торды. Нәтиҗәдә 10 нчы сыйныф егетләре (сыйныф җитәкчеләре -Хаҗиева А.М, Сәхбетдинова Р Р.) көчлерәк, җитезрәк булып чыкты. Аларга 1нче урын бирелде, 11нче сыйныф егетләре (сыйныф җитәкчеләре Зарипова А. Ә., Зухурова А.Р.) - 2 нче урында калды. Җиңүчеләргә грамоталар тапшырылды. Тәрбия эше буенча директор урынбасары Нурисламова Энҗе Әзһәм кызы февраль ае буенча бик күп чаралар уздырылуын билгеләп узды. Аларның барысы да оешкан төстә узуын әйтте. Барлык ир - атларыбызны якынлашып килүче Ватанны саклаучылар көне белән котлады, дипломнар тапшырды

Әлеге ярышны күңелле итеп оештыручыларга - тормыш иминлеге нигезләре укытучысы Мөгинов Фаик Фоатовичка, физкультура укытучылары - Хәйруллин Нәсфәт Әшрәфулловичка, Хәбибуллин Илнур Рафаэлевичка зур рәхмәтләрен җиткерде.

Бүген  "Әтиләр парады" шәһәркүләм бәйгесе узды . Әлеге чарада 6 а сыйныф укучысы Гатин Фәрхәт hәм әтисе Гатин Артур катнаштылар. Саф hавада әтиен белән бергә спорт ярышларында катнашу - әти-ул мөнәсәбәтләрен ныгыту чарасы да әле ул.

Г.Камал исемендәге татар дәүләт академия театрының артисты Артур Шайдуллин безнең гимназиядә сәхнә дәресе буенча мастер-класс уздырды. Уз эшенең чын остасы булган, яшь, матур артист абыйларын укучылар бик яратып кабул иттеләр. Кыска гына вакыт эчендә артист hөнәренең игътибар, төгәллек, камиллек сорый торган hөнәр икәненә төшенделәр. Артур абыйлары да узлэрен : ,,Сезнең арада артист юлын сайларлык укучылар бар",- дип канатландырып торды. Мондый очрашулар ул чын язмыш бүләге, әлеге очрашу укучылар күңелен куп еллар җылытып торачак, кемнәргәдер, hичшиксез, сәхнә юлына юнәлеш бирәчәк.