Сәхнәдә укучылар чыгышы беркемне дә битараф калдырмады. Әниләр дә иҗади күчтәнәч белән килгән иде. Тамашачыларга, бигрәк тә, күп балалы әни, зур әни Минхәерова Гөлсинә апа җырлавы ошады.

Һәркем сәхнәдә үз баласының чыгышын дулкынланып кабул итә. Күңел, йөрәк бала өчен әйтеп бетермәслек горурлану хисе белән яна, күзләрдә  "Балам, әле ярый сине тапканмын, төннәр йокламыйча бакканмын" дигән тирән мәгънәле караш ярылып ята. Мәрхәмәтле безнең әниләр, Илгә батырлыкны, җиргә матурлыкны Сез бирәсез , гүзәл әниләр!

Бәйрәм күрке-сый-хөрмәт. Бәйрәм кичәсенең иң истәлекле өлеше- әниләрнең чәй табыны артында эчкерсез сөйләшүе, тәҗрибә уртаклашуы...

Укучылар Халыкара хатын-кызлар көненә карата сәхнәдә чыгыш әзерләү белән беррәттән тематик стена газеталары конкурсына да бик теләп кушылдылыр. Иң яхшы газета 07.03 билгеләнәчәк.

01.03 КӨННЕ МӘКТӘБЕБЕЗНЕҢ БАРЛЫК УКУЧЫЛАРЫ КАТНАШЫНДА "АҖАГАН" УЕНЫ УЗДЫРЫЛДЫ. УЛ АЛДАН ТӨЗЕЛГӘН МАРШРУТ ҺӘМ ТӨГӘЛ ПРОГРАММА НИГЕЗЕНДӘ АЛЫП БАРЫЛДЫ. УЕННАН СОҢ КЫШКЫ ТӨР СПОРТ УЕННАРЫ БУЕНЧА ДА ЯРЫШ УЗДЫРЫЛДЫ.

Бүген мәктәбебезнең тәрбия эшләре буенча урынбасары Колмөхәммәтова З.Э. һәм "Оста куллар" түгәрәге җитәкчесе Курамшин Р.Х. "Современные педагогические технологии в образовательном процессе дополнительного образования детей: разнообразие, целесообразность и эффективность. Работа базовой площадки технического творчества"  дип аталган район семинар-киңәшмәсендә катнашты. Семинар  Нурлат шәһәр гимназиясендә-   "Фәнни-техник иҗат база мәйданчыгы: судно модельләштерү, робототехника, җил энергетикасы, ЛЕГО-конструкторлаштыру" түгәрәкләренең эше белән танышу, ачык чаралар караудан башланды. Семинар эшчәнлегендә укыту-тәрбия барышында укучыларга өстәмә техник белем бирүнең әһәмияте расланды, оештырылган түгәрәкләрнең балалар үсешендә уңай чагылыш табуы ассысызыкланды 

Шимбә көнне "Ил терәге -ир-егет, гаилә терәге-әти" дип аталган конференция укучыларның әтиләрен мәктәпкә җыйды. Конференциядә  ата һәм балалар арасында очрарга мөмкин катлаулы  гаилә ситуацияләре чишелде. Укучыларның котлау концерты, мәктәп директорының бәйрәм котлавы әтиләрнең кәефен күтәрү генә түгел, ә ул һәм кызлары белән горурлану хисләре кичерергә дә ярдәм иткәндер. Очрашуда катнашкан барлык әтиләргә чын күңелдән мәктәп җитәкчелеге исеменнән рәхмәт белдерәбез. Мәктәп белән хезмәттәшлегебез файдалы һәм нәтиҗәле булсын иде

Мәктәбебез директоры 22.02 көнне әтиләрне Ватанны саклаучылар көне белән тәбрикләде. Мәктәбебез тормышы белән даими кызыксынып, һәрдаим мәктәпкә булышып торулары  өчен әтиләребез  Ганиев Р., Уразгилдиев И., Муртазин Ә., Билданов Л. мәктәп җитәкчелегенең рәхмәт хатлары белән бүләкләнде

21.02 КӨННЕ ТИМУРЧЫ ЕГЕТЛӘРЕБЕЗ   СУГЫШТА ҺӘЛАК БУЛГАН АВЫЛДАШЛАРЫБЫЗ ИСТӘЛЕГЕНӘ КУЕЛГАН ҺӘЙКӘЛ ТИРӘСЕН КАРДАН АРЫНДЫРДЫЛАР. ҺӘЙКӘЛГӘ ИЛТҮЧЕ СУКМАКЛАР КИҢ ИТЕП АЧЫЛДЫ. БАТЫРЛАР ДАНЫ МӘҢГЕЛЕК!