Неделя русского языка и литературы

Бөек Җиңүнең 69 еллыгына багышланган Җиңү парадында 1-9 сыйныф укучылары катнашты. Аллы-гөлле шарлар, флаглар тоткан 1-4 сыйныф укучыларының йөрүе дә, сафта йөргәндә, аяк асларыннан тузан болыты күтәреп атлаучы  5- 9 сыйныф укучыларының йөреше дә бик тәэсирле иде. Күзләрдә әллә сагыш, әллә шатлык тамчылары җемелдәде бүген. Ил-көннәребез тыныч булып, күзләребездә шатлык яшьләре генә ялтырасын иде.

А.Е. Арбузовның музей йортында булганнан соң, укучыларыбыз Биләрдә урнашкан Изге чишмә музей тыюлыгына юл алды. Бүгенге көндә анда ремонт, буяу, бизәү эшләре барса да, тыюлыкны карап чыгарга рөхсәт бирделәр. Тагын да  тирән кичерешләр алу өчен укучыларыбыз монда җәйге каникул чорында әти-әниләре белән бергә киләчәкләрен әйтте.

Мәктәбебез укучылары күренекле шагыйребез Г.Тукайның тууына 130 ел тууга багышланган Бөтенрәсәй "Аны халык бик яшьләй үзе шагыйрь итеп таныды" шигырь укучылар бәйгесенә язмалар җибәрде. Конкурста катнашучыларга уңышлар юлдаш булсын.

Бу көннәрдә мәктәбебездә Нурлат районын 22 ел җитәкләгән легендар райком секретаре, Социалистик  хезмәт герое, Бөек Ватан сугышы ветераны Габбас Кыям улы Гыйматдиновның тормыш һәм хезмәт юлына багышланган сыйныфтан тыш чаралар уза. Үсеп килүче буында кешелеклелек, игелек, фидакярлек , патриотизм сыйфатларын Габбас Кыям улы кебек шәхесләр үрнәгендә үстерү уңай нәтиҗәләрен бирер.

Куст мәктәпләренең башлангыч сыйныф укучылары катнашында проект эшләре һәм эзләнү эшләре конкурсы безнең мәктәп базасында 19 укучыны кабул итте. Конкурс нигезләмәсе шартлары буенча укучылар төрле секцияләрдә чыгыш ясап, үзләренең проект эшләре, эзләнү эшләрен яклау чыгышларын тамашачыларга һәм мәртәбәле жюри бәясенә тәкъдим итте. Конкурс бик тәэсирле һәм бай мәгълүматлы булды.

Жюри фикер алыша.

Республикабызда старт алган чисталык икеайлыгы кысаларында укучылар һәм укытучылар мәктәп яны территориясен чистарту эшләрен дәвам итә. Бүген дә дәресләрдән соң эш кораллары тоткан укучыларыбыз  кабат  бердәм сафка басты. 1-7 сыйныф укучылары территоряне чүп-чар, корыган үләннәрдә арындырса, 8-9 нчы сыйныф егетләре мәктәп территорясен балан, нарат агачлары утыртып яшелләндерде. Өмәдә катнашып, мәктәбебез һәм мәктәп яны территорясен чистарту өчен  көч куйган һәркемгә зур рәхмәт белдерәбез.