Бүген Татарстанның Мамадыш шәһәрендә республика мәгариф һәм фән хезмәткәрләренең традицион август киңәшмәсе узды. “Дәресләрдән соң мәктәп” дип аталган пленар утырышта дәүләт хакимияте вәкилләре, министрлык һәм ведомстволар җитәкчеләре, муниципаль берәмлекләр башлыклары, мәгариф идарәләре (бүлекләре) җитәкчеләре, белем бирү учреждениеләре директорлары катнашты.Ә без барлык мәктәп укытучылары бу киңәшмәнең турыдан- туры трансляциясен компьютерлардан тыңладык һәм күзәттек.

       Бүген Биектау урта гомуми белем мәктәбенең яңа  2012-2013 нче уку елына әзерлеген тикшерү буенча район комиссиясе килде. Комиссия сыйныф бүлмәләрен, ашханәне, спортзалны, мәктәп бакчасын карады. Кайбер уңай һәм тискәре кимчелекләрне әйтеп үтте.

        18 нче июльдән башлап, мәктәп яңа уку елына әзерләнә башлады. Барлык укытучылар һәм техник хезмәткәрләр классларны җыештырдылар, юдылар һәм буядылар. Алга таба да мондый эшләр дәвам итәчәк.

        Мәктәбебез бакчасынада укучылар җәйге практикада йөрүләрен дәвам итәләр. Алар җиләк-җимешләр җыялар, помидор, кәбестә, кыярларга су сибәләр, чүпләрен утыйлар.

        1 нче сыйныфка укырга керүче балаларның исемлеге барланды. Быел яңа уку елында укырга керүчеләр өчен яңа таләпләр куелу сәбәпле: әти-әниәрдән электрон гаризалар кабул ителәчәк. Бу көнгә 4 баланың әти-әнисеннән электрон гариза кабул ителде.

    Бүген "Компьютерный ликбез" буенча укыган ветеран укытучыларыбызга сертификат тапшырылды.Игелекле сертификатлар булсын, хөрмәтле ветеран укытучыларыбыз!

     Бүген мәктәптә чыгарылыш кичәсе булды, 7 укучыга өлгергәнлек аттестаты тапшырылды. Шулардан Сәйфиева Язиләгә рус теле фәнен, Кәримов Илфир һәм  Бәдретдинова Зөһрәгә җәмгыять белеме фәнен, Әхмәтҗанова Алинәгә биология фәннәрен яхшы үзләштергәннәре өчен Мактау грамоталары тапшырдылар.