Мәктәп яны «Сабантуй» лагере үзенең эшчәнлеген тәмамлады. Лагерь ябылу тантанасы үзенчәлекле итеп, күңел ачу программасы рәвешендә әзерләнде. Балалар җырлап-биеп, кызыклы уеннар уйнап, караоке җырлап, иркенләп күңел ачты. Сау бул, лагерь!

     Бүген безгә кунакка "Балалар иҗат үзәге"ннән тәрбиячеләр һәм югары сыйныф укучылары килде. Алар "Сабантуй" лагерена йөрүче укучылар белән таныштылар һәм аларга бик күп төрле хәрәкәтле уеннар өйрәттеләр. Балалар кунаклардан бик канәгать булып калдылар.

      Бүген лагерь балалары күрше Яңавыл авылына кунакка бардылар. Алар анда ипи пешерү, минераль су җитештерү цехында, икмәк саклау урыннарында, тегермәндә, авыл китапханәсендә булдылар. Укучыларга бик күңелле һәм кызык булды.

    Хезмәтне саклау буенча эвакуация планы белән танышып, мәктәп яны "Сабантуй" лагерена йөрүче балалар өчен бүген эвакуация үткәрелде. Укучылар чыгу юллары белән таныш. Барысы да бик аз вакыт эчендә куркынычсыз урынга тезелеп бастылар.

       Барлык укытучыларны, укучыларны һәм аларның әти-әниләрен ЗУР бәйрәм "СОҢГЫ КЫҢГЫРАУ" бәйрәме белән котлыйбыз!!! Чыгарылыш укучыларына киләчәк юлларында, ап-ак юллар, уңышлар, бәхет, имтиханнарын бик яхшы билгеләргә биреп, югары уку йортларына керүләрен телибез!

Кайчан гына әле күбәләктәй

Ашкынып килдегез мәктәпкә

Җиз кыңгырау дәште сезне һәркөн

Яңалыклар тулы дәрескә.

              Үтте бик күп айлар, үтте еллар.

              Күз алдында үсеп җиттегез.

              Белем үрләренә омтылдыгыз

             Бәйгеләрдә бик еш җиңдегез.

Мәктәптә сез канат ныгыттыгыз,

Хәзер инде очып китәсез.

 Шатлык, куаныч,изге күңел белән

Каршылагыз һәр көн иртәсен.

Бүген 11 нче сыйныф укучылары татар теленнән имтихан бирделәр.

    17 нче апрель көнне мәктәп күләмендә чираттагы ата-аналар җыелышы үткәрелде.Көн тәртибендә 9,11 нче сыйныфларның бердәм дәүләт имтиханнары, административ контроль эшләр, җәйге чорда укучылар арасында курынычсызлык кагыйдәләре,җәйге эшләр, алда торган бурычлар турында сүз алып барылды.