7 нче март көнне гүзәл затларыбызны бәйрәм белән котлап,башлангыч сыйныф укучылары чыгыш ясады. Бәйрәмдә укучылар үзләрен чын йолдызлар кебек тоттылар, үзләренең җырга, моңга гашыйк икәнлекләрен күрсәттеләр. Бәйрәм җыр, бию, шигырь сөйләүләр белән үрелеп барды. Аларга алга таба да бик зур уңышлар телибез.

   Сезне якынлашып килүче язның беренче бәйрәме - 8 март – Халыкара хатын-кызлар көне белән чын күңелебездән котлыйбыз.Эшләрегездә,укуларыгызда зур уңышлар, саулык- сәламәтлек телибез. Күңелегезнең аяз күген беркайчан да кара болытлар капламасын. Һәр туар таң сезгә бетмәс-төкәнмәс сөенеч-куанычлар гына алып килсен. Гаиләләрегездә бик-бик бәхетле, кирәк һәм сөекле кешеләр булып яшәгез. Кайгы-хәсрәт сезне һәрчак чикләп үтсен. Бәйрәм белән Сезне!!!

    Халыкара хатын-кызлар көне 1910 нчы елда Копенгагенда соиалисткаларның II халыкара конференциясендә "Икътисадый, социаль һәм сәяси тигез хокуклылык өчен көрәштә хатын – кызларның халыкара хезмәттәшлеге көне"н билгеләп үтү Клара Цеткин тәкъдиме белән кабул ителә. Башта бу бәйрәм төрле илләрдә төрле көннәрдә үткәрелә. 1914 нче елдан башлап, 8 март көнне билгеләп үтелә. Рәсәйдә 8 Март беренче мәртәбә 1913 нче елда бәйрәм ителгән.

   6 нчы  март көнне башлангыч сыйныфларда Әниләр бәйрәме үткәрелде.Бәйрәмгә укучыларның әниләре чакырылган иде. Әниләр өчен КВН үткәрелде,ә укучылар концерт бүләк иттеләр.Бәйрәм күңелле узды, укучылар да әниләр дә канәгать калдылар.

     Бүген мәктәбәбездә "Ягез әле, кызлар һәм егетләр!" бәйгесе узды. Әлеге бәйгедә 8, 9 нчы сыйныфлардан  "Замана балалары" һәм "Убойная сила" командалары катнашты. Егет һәм кызлар үзләренең  осталыкларын, зирәклеләрен, тапкырлыкларын күрсәттеләр. Тарихи- мәдәни  мирас елы уңаеннан бирелгән сорауларга төгәл җавап бирделәр. Бәйге нәтиҗәләре буенча  "Замана балалары" командасы 19 балл җыеп 2 нче урынга, ә "Убойная сила "командасы 20 балл җыеп 1 нче урынга лаек булды.Аларны котлап җырлар, биюләр башкарылды.

     5 нче март көнне район күләмендә "Иң яхшы вожатый- 2012" конурсы үткрелде. Бу конкурста Биектау урта гомуми белем бирү мәктәбеннән, педагог - оештыручы Бәдретдинова Н. Г . җитәкчелегендә, 8 нче сыйныф укучысы Сабиров Булат " Иң яшь отряд вожатые" исемле номенация астында , истәлекле дипломга ия булды.   

     5 нче март көнне мәктәбебездә, башлангыч сыйныф укытучысы Мингалиева Дамирә Котдүс кызы, вожатыйлары -5 класс кызлары ярдәме белән, 1 нче сыйныф укучыларының “Әлифба белән саубуллашу ” иртәсе үткәрде. Балалар, бәйрәмгә чакырылган әти-әниләренә, үзләренең җыр-биюгә, матур сөйләмгә осталыкларын күрсәттеләр, бергәләп кызыклы уеннар уйнадылар, үз куллары белән ясаган бүләкләрен тапшырдылар. Әти-әниләр һәм мәктәп дирекциясе, балаларны бәйрәмнәре белән котлап, изге теләкләрен җиткерделәр. Бәйрәм истә калырлык матур һәм күңелле үтте.

        28 февраля ученица нашей школы Садикова Гузель (9 класс) и её руководитель: учитель химии, биологии Бадрутдинов Г.А. участвовали в региональной конференции исследовательских работ обучающихся "Мастера исследований". Они вернулись с сертификатами и дипломами III степени. Поздравляем их!

       29 нчы февраль көнне, Казан кооператив институтыннан 11-10 нчы сыйныф укучылары белән аралашырга, аларны укырга чакырып укытучылар килде.  Алар үзләренең институтлары турында сөйләделәр, тестлар эшләттеләр. Ә укучылар үзләрен кызыксындырган сорауларын бирделәр.

28 нче февраль көнне, республика күләмендә үткәрелгән "Колосок осенний" конкурсында катнашып, 7 нче сыйныф укучысы Хәйриева Айсылу - лауреат исеменә лаек булды.

Бүген, шагыйрь Ибраһим Биектаулының 75 яшьлеге уңаеннан Биектау урта мәктәбенең "Туган якны өйрәнү" музеенда, 5 нче сыйныф укучылары тарафыннан "Ибраһим Биектаулы - профессиональ шагыйрь" дип исемләнгән кичә булды.