1 нче сыйныфка укырга керүче балаларның әти-әниләре өчен ата - аналар җыелышы үткәрелде. Яңа уку елында укырга керүчеләр өчен яңа таләпләр куелуы: электрон гариза турында аңлатылды. Бу көнгә 13 баланың әти-әнисеннән электрон гариза кабул ителде.
 

Сабантуе -  хезмәт туе,

Бәхет һәм шатлык туе,

Уйнап, көлеп, җырлап, биеп,

Бәйрәм итик көн буе.

Бу көнне безнең егетләребез аеруча матурлар иде. Сәхнә түренә ак күлмәк, галстуктан чыгыш ясарга чыктылар. Егетләрнең төрле яктан осталыкларын тикшереп карадык. Алар җитезләр, көчлеләр, тапкырлар булып чыктылар. Егетләргә  төрле номинацияләр буенча дипломнар, бүләкләр тапшырылды.

"Дельфин" спорт һәм сәламәтләндерү үзәгенә барып су коенуны балалар бик көттеләр. Өч көн рәттән өч отряд "Дельфин"га барып су коендылар, чәй кафесына кереп ял иттеләр. Кама буена төшеп андагы матурлыкны күзәттеләр, уйнадылар.

Бүген лагерьда "Әкиятләр көне". Бу көнгә отрядлар татар халык әкиятләрен заманча үзгзртеп сәхнәләштерделәр. Сәхнәдә "Кызыл калфак", "Куян баласы Нуяк", "Шалкан" әкиятләре куелды. Балаларга әкият бәйрәме бик ошады.

"Лагерь гүзәле" бәйгесе лагеребызның иң кызыклы көннәреннән берсе булды. Чөнки кызларыбыз ул көнне шундый чибәрләр иде. Алар матур күлмәкләрен киеп сәхнәбез түрендә көч сынаштылар: биеделәр, җырладылар, гомүмән үзләрен  төрле яктан күрсәттеләр. Ахырдан кызларга төрле номинацияләр буенча дипломнар, бүләкләр тапшырылды.

Бүген лагерьда "Созвездие-Йолдызлык-2012" бәйгесе. Балаларның чыгышлары, костюмнары күз явын алырлык иде. Киләчәктә дә без укучыларны зуррак сәхнәләрдә күрербез дип ышанып калабыз

"Тамчы-шоу" күңел ачу программасын балалар зарыгып көтте. Бу бәйгедә өч отряд биш тур: табышмаклар, мәкальләр, шигырьләр,сораулар һәм рәсем-слайдлар  буенча көч сынашты. Программа балалар язучысы Шәүкәт Галиев иҗатына багышланган иде. Командалар бик тапкыр булып чыкты, шулай да "Созвездие" отряды җиңүче булды. Ярыш җырлар белән үрелеп барды.

Бу көн лагерда "Без тынычлык яклы" девизы астында үтте. Укучылар арасында асфалька рәсем ясау конкурсы үткәрелде. Өлкән вожатый Рүзидә Рәсимовна  1982-85 елларда Америка Кушма-Штатларыннан Советлар Союзына тынычлык визиты белән килгән Саманта Смит турында сөйләде, презентация һәм видеофильм күрсәтте.

Бүген лагерда Спорт көне.  "Созвездие", "Чемпион" һәм "Улыбка" отрядлары арасында  спортның төрләре буенча ярышлар үткәрелде. Дуслык җиңде!!!