Һәр уку елында мәктәбебез урманчылыгында, авылыбызда агачлар утыртабыз. Бу уку елында да бу эшкә алындык. Агач утыртуда өлкән укытучыларыбызны котларга килгән кунакларыбызда катнашты :Шафигуллин  Хабибрахман Г., Хамзина Фарида Х, Муртазин Мансур М, Фатыйхов Вазих Х, Сабиров Хәниф Ф.,Дәүлиев Габделгазиз Х , Хасанов Фәрит Р.Загидуллин Фархулла .

 2октябрь һәм 3 октябрь көннәрне мәктәбебездә уңыш бәйрәме  "Сөмбелә" бәйрәмнәре узды.

Укучылар һәм укытучылар тырышлыгы белән мәктәп бакчасыннан зур уңыш алынды.

Мәктәбебездә өлкәннәр белән очрашу булды. Очрашуга мәктәпне алдагы елларда тәмамлаган укучылар:Шафигуллин Хабибрахман Г.,Дәүлиев Габделгазиз Х,Хамзина Фарида Х.,Муртазин Мансур М.,Загидуллин Фархулла Х, Фатыйхов вазих Х,,Хасанов Фәрит Р.,Сабиров Ханиф Ф. Очрашу бик матур,җанлы узды.

26.09.2013 көнне мәктәптә ата-аналар җыелышы булды.Мәктәп администрациясе яңа уку елына әзерлек,укыту-тәрбия планы, укучыларның медосмотр нәтиҗәләре,түгәрәкләр эшчәнлеге белән таныштырды.Хокук бозуларны кисәтү темасына участок полиция уполномоченные  Фарзекаев И.И.чыгыш ясады.

        Бүген мәктәбебездә дистә елларга бер генә тапкыр була торган тарихи вакыйга булып узды. Якташыбыз Татарстанның халык шагыйре Равил Фәйзуллин үзенең 70 яшьлек юбилеен билгеләп узды. Ул үзе белән Рәдиф Гаташ, Вакыйф Нуриев, Флера Тарханова, Мөхәммәт Мирза кебек олпат шагыйрьләрне дә алып килгән иде. Алар һәрберсе үз чыгышларын ясадылар. Кичә Искәндәр Биктаһиров, Энҗе Шәйморзина,  һәм башка артистлар җырлавы, Динә Закированың өздереп скипкада уйнавы  белән үрелеп барды. Бу кичә безнең күңелләребездә бетмәс-төкәнмәс тәэсирләр калдырды.

.

Бүген мәктәптә Белем  бәйрәме узды.2013-2014 уку елында мәктәптә 88 укучы белем ала,19 укытучы эшли. 1нче сыйныфка 4 укучы укырга керде.

1 нче дәрестә-1-4 сыйныфларда "Экология һәм без",5-8 сыйныфларда "Универсиада ",

9-11 сыйныфларда "РФ Конституциясенә-20 ел"темасына  сыйныф сәгатьләре узды.

.Бәйрәм белән котлыйбыз.Хәерле уку еллары булсын!

           Бүген мәктәбебездә экологик өмә булып узды. Укытучылар һәм техник хезмәткәрләр мәктәп территориясен чүп - чардан арындырдылар. Әйләнә-тирәбез чистарып калды.

       Бүгенгесе көндә мәктәбебез тулысы белән яңа уку елына укучылар кабул итәргә әзер. Мәктәпкә укытучылар һәм техник хезмәткәрләр тарафыннан  ремонт эшләре үткәрелде. "Үз мәктәбеңә булыш" акциясе нигезендә дә мәктәбебезгә шактый гына спонсорлар ярдәм итте. Әлбәттә инде мәктәптә ремонт эшләре үткәрүдә әти-әниләр дә читтә калмады.

      Бүгенге көндә укучыларыбыз бик теләп мәктәп яны участогында 5нче чирек - хезмәт чиреген үтәләр.  Алар бик теләп төрледән-төрле яшелчә, җиләк-җимеш, бик матур чәчәкләр үстерәләр. Җәй айларында бик тырышып эшләгәнгә күрә мәктәп ашханәсендә кыш дәвамында яшелчәдән өзелми.