Мәктәбебездә куркынычсызлык айлыгы дәвам итә. Бүген

ТИН укытучысы ДәүләтгәрәевЗ.С. һәм Икшермә янгын сүндерү

оешмасы начальнигы Сәләхиев Фәнис белән берлектә практик эвакуация үткәрелде.

Укучыларга гадәттән тыш хәлләр булган очракта, төрле ситуацияләрдән чыгу 

юллары тагын бер кат аңлатылды.

Бүген мәктәбебездә "Бергә башкарабыз!" исеме белән 

бөтенроссия экологик дәресе үтте.

Үзебез яшәгән авыл урамнарын, мәктәп 

янын чистарттык, чүпләрдән арындырдык.

Бүгеннән мәктәбебездә "Яшә, чишмә!" акциясе башланып китте.

Укучыларыбыз дәрестән тыш эшчәнлектә Хәйри чишмәсенә 

бардылар. Аның яннарын озын чүпләрдән арындырдылар, 

саф чишмә суында битләрен юып,  суыннан авыз иттеләр.

Бүген линейкада Думаның вице-спикеры Галиуллина Динә

укучыларны бүгеннән "Праздник трезвости" акциясе башлануы 

турында хәбәр итте. Укучыларны бу акция буенча үткәреләчәк 

чаралар белән таныштырды.

8 сентябрь – Финансистлар көне уңаеннан мәктәпләрдә ел саен 4-7 сентябрь көннәрендә Финанс грамоталылыгы көне үткәрелә. Шул уңайдан мәктәбебездә 7 сентябрь көнне 8-9 сыйныф укучылары белән берлектә “Хәзерге заман кешесе өчен пластик карталар кирәкме?” һәм “Финанс грамоталылыгы нигезләре” дигән темага виртуаль сәяхәт үткәрелде. Дәресне җәмгыять белеме укытучысы Хасанов М.М. үткәрде.  Укучылар, киләчәктә пенсия алучыларның тормыш дәрәҗәләрен күтәрү өчен мәҗбүриле булган туплау компоненты кертелүеннән хәбәрдар булдылар. Ул тормыш иткәндә килеп чыккан күп кенә проблемаларга тукталды, финанс мәсьәләләренә басым ясады, балаларны кызыксындырган күп кенә сорауларга җаваплар биреп, югары класс укучыларына һөнәр сайлау буенча үзенең киңәшләрен җиткерде. Кызыклы сораулардан төзелгән викторина үткәрде.

Бүген мәктәбебездә парк һәм скверлар елына багышланган

футбол уены үткәрелде. Уен "Факел" һәм "Ак барс" командалары

(5 һәм 6 сыйныф укучылары) арасында үткәрелде. 

"Ак барс" командасы җиңү яулады.

6 сыйныф укучылары Валиева Алсу, Каримова Гөлия

                                                                                                                һәм Закирова Ләйлә район күләмендә үткәрелүче

                                                                                                                  парклар һәм скверлар елына багышланган рәсем

конкурсында катнаштылар. Уңышлар телик аларга! 

1нче сентябрьдән мәктәбебездә "Экстремизмга - юк!"айлыгы юл алды. Шул көнне укучылар айлык план белән таныштырылды. Бүген бу айлык кысаларында "Экстремизмга-юк дибез!" дигән темага бердәм дәрес үткәрелде.

Мәктәп еллары һәрберебезнең хәтерендә гомерлеккә уелып кала, чөнки нәкъ менә мәктәптә яшь буынның киләчәге билгеләнә, ул кирәкле белемнәр генә алып калмый, рухи һәм физик яктан җитлеккән шәхескә әйләнә. Уку – ансат эш түгел, юкка гына анны инә белән кое казу, димәгәннәр. Яңа уку елында һәркемгә зур уңышлар, яңа ачыш-казанышлар, нык исәнлек телибез. Һәр дәрес укучыларга яңа белем-күнекмәләр, ә укытучыга иҗади омтылышлар китерсен иде. Яңа уку елы котлы булсын!

29нчы август көнне яңа уку елына әзерлек мәсьәләләре

буенча педагогик киңәшмә булды. Анда түбәндәге мәсьәләләр

каралды:

1.Яңа уку елына әзерлек.

2.Дәреслекләр белән тәэмин ителеш.

3.Дәрес бүленеше.

4. Төрле мәсьәләләр.