"Кошларны аер" уены аша кышлаучы кошларны танырга өйрәнәбез.

Бу атна эчендә балалар белән  кошларга карата сакчыл караш уяту, сөйләм үстерү күнекмәләре формалаштыру, сүз байлыгын арттыру, рәсем сәнгатенә кызыксыну уяту, төсләрне тоярга өйрәтү максатыннан  кышлачы кошлар турында сөйләшербез һәм зурлар белән кышлаучы кошларның иң матур кош карабүрекне рәсемгә төшердек.

Кечкенәләр белән мамык таякчыклары кулланып миләш тәлгәшен ясадык, үзебезнең бик күп миләш тәлгәше белән кызыл түшләрне сөендердек.

Атна дәвамында кыш, кар үзенчәлекләре, табигатьтә ел фасыллары буенча барган үзгәрешләр, кышкы табигатькә хас билгеләр турындагы белемнәрне ныгыту өстендә бик күп эш алып бардык . Һәм атна ахырында "Кышкы әкият" темасына конкурс оештырдык, матур рәсемнәрне фотога төшердек.

Менә салкын кыш җитте

Җиргә ап – ак кар сипте.

Без кышны күптән көттек

Ак карны сагынып беттек.

Бөтен дөнья ак булган

Әйтерсең, ап – ак юрган.

Агачлар да ак мамыктай

Бәсле шәлен ябынган.

Куана бала – чага

Кыш килүгә шатлана.

Чана – чаңгылар алып

Алар баралар тауга.

"Светофор" түгәрәгендә су, һава, җир  транспорт төрләрен өйрәндек һәм   уен аша транспортларны төсләре буенча гаражларга урнаштырдык.

Зурлар белән беррәттән кечкенәләр дә лото кебек уеннар аша юл билгеләрен үзләштерергә, отып калырга  тырышалар.

Балалар белән кисеп ябыштыру эшчәнлегендә кыш, кышлаучы кошлар, аларның кышны ничек каршылаулары хакында сөйләштек һәм үзләренең фантазияләрен файдаланып кызыл түшне кисеп ябыштырдык.

Ай – яй матур агач соң,

Кызыл төймәләр таккан.

Төймәләре ачы соң

Өзеп, авызга капсаң

Кечкенәләр белән кисеп ябыштыру эшчәнлегендә миләш тәлгәше кисеп ябыштырдык..

Ява карлар, яңа карлар –

Кышның ак гөлләре.

Якты булсын, ап-ак булсын

Илемнең көннәре.

Ишетелеп торсын җирдә

Балалар көлгәне.

Ява карлар, яңа карлар,

Ак – гомер юллары,

Дәвам итсен гомер буе

Тынычлык еллары.

Яңгырасын җир өстендә

Тынычлык җырлары.

Кечкенәләр белән кар бөртекләрен җыюда ярыштык.