Рус теле эшчәнлегендә шулай ук көзгә карата темалар үткәрелде. Балалар белән җиләк-җимеш  бакчасының схемасы буенча эш алып барылды, балалар сорауларга бик төгәл җавап бирделәр.

Бүген бакчбызда Корбан бәйрәме үткәрелде. Авылыбызның имам хатибы Мансур хәзрәт вәгазләр сөйләде, Коръән сүрәләреннән өзекләр укыды. Бакчабызда тәрбияләнүче Рөстәм үзенең белгән догаларын укып күрсәтте. Соңыннан балалар корбан итеннән пешерелгән ризыклардан авыз иттеләр.

Рәсем эшчәнлеге "Түтәлдәге табышмаклар" темасы буенча үткәрелде. Балалар табышмакларны чишеп, җавапларын рәсемгә төшерделәр.

Түтәлләрдә үсте бик

                       күп яшелчә:

Кыяр, кабак, чөгендер,

                        кишер, кәбестә.

Алар ничек үсә,

Нинди төстә?

Риаска бүген 6 яшь тулды. Риас! Сине туган көнең белән котлыйбыз. Һәрвакыт шулай тыйнак, акыллы булуыңны телибез!

Туган көнең котлы булсын!

Шатлан да син, көл дә син.

Килсен сиңа бәхет кенә, 

Кайгы-хәсрәт килмәсен!

Иң матур теләкләр белән апаларың һәм дусларың.

Тышта бүген берөзлексез 

Кар аралаш яңгыр ява.

Соры болытлар иңендә

Томанланып тора һава.

Ә без рәсем буыйбыз

Ике күзем -китапта.

Әтәч буыйм, тиен буыйм,

Елак көзне күрмим дә.

 Бүген безнең Руфинәбезгә 3 яшь тулды.

 Руфинә! Сине тугаң көнең белән котлыйбыз! Сиңа саулык-сәламәтлек, шатлык-куанычлар, бәхетле тормыш телибез!

Туган көндә матур теләк

Булсын әле үзеңә.

Күктә кояш балкып торсын,

Нурлар сибеп йөзеңә!

Иң матур теләкләр белән бакчадагы дусларың һәм апаларың.

Үтте-китте матур җәйләр,

Көзләр килеп җиттеләр.

Ак каенның яфраклары

Саргаешып киптеләр.

Бүген  "Миләшкәй"  балалар бакчасында тәрбиячеләр һәм балалар бакчасы хезмәткәрләре көне уңаеннан бәйрәм оештырылды. Авыр шул-ук вакытта мактаулы эшләрендә балалар яраткан апаларын котлап шигырьләр сөйләделәр, җырлар җырладылар. Һәм үзләренең нәни куллары белән ясаган бүләкләрен бирделәр.

Якынлашып килүче бәйрәм уңаеннан кисеп ябыштыру эшчәнлегендә балалар апаларына бүләк әзерләделәр.