Балалар "Иҗади сәнгать" -рәсем эшчәнлегендә Габдулла Тукай әкиятләрен ак биткә төшерделәр. 

Бүген Гаделнең туган көне. Аңа 4 яшь тулды.

Гадел! Сине туган көнең белән котлыйбыз!

Туган көндә матур теләк

Булсын әле үзеңә.

Күктән кояш балкып торсын,

Нурлар сибеп йөзеңә.

Иң изге теләкләр белән дусларың һәм бакчадагы апаларың.

Бу атнаның максаты  Г. Тукайның күпкырлы иҗатына кызыксыну уяту, әдәби әсәрләрен тыңлый, сөйли белүләренә , фикерләү, хәтер сәләтен үстерү, ихтирам хисләре тәрбияләү.

- Тукай туган ямьле яз аенда

Кырлай дигән татар авылында.

Моңлы җыры, үткен сүзе белән

Ул дөньяга шуннан танылган.

- Туган телен җырга салган Тукай

Телебезне бик тә яраткан.

“Шүрәле”не, “Су анасы”н  укып,

Күпме бала күңлен яңарткан.

Бүген бездә туган көн: Ильярга 4 яшь тулды. 

Ильяр! Сине туган көнең белән котлыйбыз!

Туган көнең котлы булсын,

Шатлан да син, көл дә син.

Килсен сиңа бәхет кенә,

Кайгы-хәсрәт килмәсен!

Иң матур теләкләр белән дусларың һәм бакчадагы апаларың.

Бу атна  "Хезмәт төбе- хәзинә" дип, исемләнә. Балаларны төрле һөнәрләр белән таныштыру,  хезмәткә һәм төрле һөнәр ияләренә мәхәббәт һәм ихтирам хисләре уяту, барлык һөнәрләрнен кирәкле булуына төшендерү максаты итеп алынды.Шул исәптән "Иҗади сәнгать"-рәсем эшчәнлегендә балалар үзләренең кем булырга хыялланганнарын ак биткә төшерделәр.

Балалар кул эше эшчәнлегендә   тәрбияче апалары сөйләме аша әбиләренең  нәни вакытта кибетләрдә матур-матур уенчыклар булмаганлыкларын, әмма алар бер дә аптырап тормаганнарын белделәр .Төрле табигый материаллардан уенчыклар ясап уйный торган булганнар.Мәсәлән: балчыктан, такта кисәкләреннән, иске чүпрәкләрдән. Һәм балалар үз куллары белән чүпрәк кисәкләреннән курчаклар ясап карарга булдылар. Балаларның курчаклары бик матур килеп чыкты, эшләре  төгәлләнгәч, алар курчаклары белән уеннар уйнадылар. 

"Галәм киңлекләре" исеме астында узган атна эшчәнлеген йомгаклап "108 минут Гагарин белән" дип аталган эшчәнлек үткәрелде. Балалар Юрий Гагарин, беренче хатын-кыз космонавт Валентина Терешкова, космонавтика теориясенә нигез салучысы К.Э.Циолковский биографиясе белән якыннанрак таныштылар.