Бүген "Миләшкәй" балалар бакчасында чыгарылыш кичәсе булып узды. Кадерле балалар! Менә мәктәп яшенә кадәр үсеп җиттегез. Бакчага килгән беренче көнегезне хәтерегезгә төшерегез әле. Сөйләшә дә белмәгән, әле яңа тәпи киткән балалар инде мәктәп яшенә җиткәннәр. Әлеге бакчада шатлыкларыбыз да, борчуларыбыз да уртак булды. Бергә көлдек, бергә уйнадык, шаярдык. Бүген безгә бик моңсу. Шуклыклары белән безне сагайткан, уңышлары, шат авазлары белән сөендергән нәни дусларыбыз бездән китә. Алар безгә күпме күңелле мизгелләр бүләк иттеләр, зур ярдәмчеләребез булдылар. Ләкин барыбер күңелебез сөенә. Карагыз, алар барысы да нинди матурлар, исән-саулар, эш дигәндә мин-мин, дип, ял иткәндә җырлыйм-биим дип торалар, күзләре кызыксынудан янып тора. Балалар! Киләсе тормышыгызда да матур истәлекле вакыйгалар күп булсын. Бүгенге бәйрәм көне дә күңелегездә мәңге саклансын иде. Мәктәптә дә тырыш, тәртипле булыгыз. Менә шушындый матур сүзләр белән без балаларга ак юл теләдек.

Бүген Ике Басу Арташ балалар бакчасында "Талантлы бала" дип исемләнгән конкурсның зона бәйгесе узды. Бәйгедә Олы Арташ, Ике Басу Арташ, Олы Нырты һәм Урта Нырты балалар бакчалары катнашты. Кечкенә артистлар җыр, шигыръ, бию номинацияләрендә катнашып, үзләренең осталыкларын күрсәттеләр.

     Безнең бакчадан Габдрахманова Энҗе катнашты. Ул үзенең яраткан әбисенә багышлап бик матур җыр башкарды. Бәйгедә катнашкан балаларның барысыда бик уңганнар һәм тырышлар иде. Бәйрәмне йомгаклап Ләйсән апалары балаларга рәхмәт әйтеп, бүләкләр өләште. Зона бәйгесендә җиңгән балаларга алга таба да уңышлар телибез.