Бүлмәдә гөлләр үсә,

Тәрәз төбен тутырып

Без тырышып караганга

Утыралар чәчәккә күмелеп.

Безнең өчен чәчәк ата.

Утыркан гөлләребез

Шундый матур булсын өчен,

Сөенә күңелләребез.

Бәйрәм бүген, Яңа ел

Бөтен җиргә кар кунган.

Яңа елны каршыларга

Балалар да җыелган.

Бигрәк йомшак кыш килде, 

Күңелемә хуш килде.

Юраганым юш килде.

Көне буе тышта без.

Кар бабайлар, аюлар

Әвәләргә оста без.

Чаңгыда да шуабыз,

Чанада да шуабыз.-

Шулай чирне куабыз.

Җир өстенә мамык түшәк түши

Кышка җилнең уңган, булганнары.

Дөнья бүген гүя ап-ак сәхнә,

Бии алда кышның бураннары.

Китап - киңәшчең синең,

Дустың, ярдәмчең синең.

Ул хөрмәткә бик хаклы,

Кадерлә син китапны.

Ап-ак куян утыра, 

Колакларын селкетә.

Менә шулай, менә шулай

Колакларын селкетә.

Аңа тик тору кыен,

Җылыта ул тәпиен.

Менә шулай, менә шулай

Җылыта ул тәпиен.

Сөенәбез, шатланабыз

Күңелле үтә кышлар.

Чаңгы, чана, тимераяк-

Безнең иң якын дуслар.

Иң-иң сабыр, иң-иң тыйнак,

Иң ягымлы кешеләр,

Иң сөйкемле, мәрхәмәтле -

Алар безнең әниләр!

Иң кадерле, иң хөрмәтле-

Булсын җирдә әниләр.

Әниләрне кадерләсәк,

Тыныч булыр ил-көннәр!

      Бәйрәмдә балалар әниләргә багышлап өйрәнгән шигырьләрен сөйләделәр, җырладылар, әниләр белән берлектә күмәк уеннар уйнадылар. 

"Кыргый җәнлекләр турында нәрсәләр беләбез?" дигән тема астында үткәрелгән викторинага беренче сыйныф укучыларын чакырдык.