Бүген Руфинәнең туган көне. Аңа 6 яшь тулды. Руфинә! Сине чын күңелебездән туган көнең белән котлыйбыз! Сау-сәламәт булып, тигез, матур тормышта яшәведне телибез! Руфинәне туган көне белән котлап дуслары җырлар җырладылар һәм теләкләр теләделәр.

Бу  атнада ""Яхшылык атналыгы" уңаеннан мәктәп укучылары балаларга күп төрле уечыклар алып керделәр. Балалар бүләкләр өчен бик куандылар һәм шатландылар. Мәктәп коллективына һәм барлык укучыларга, әти-әниләренә  сабыйларны уенчыклар белән сөендергәннәре  өчен коллектив исеменнән зур рәхмәт әйтәбез.

Бүген балалар бәйрәм уңаеннан бакчадагы эшләүче бар апаларын бәйрәм белән котладылар, үзләреннән чәчәк бәйләме бүләк иттеләр.

Математика эшчәнлегендә яфраклар ярдәмендә  6 санының ничә берәмлектән торганын өйрәндек. Каен, миләш, юкә, өрәңге, шомырт агачларының яфракларын аеруны ныгыттык. 

Бүген рәсем эшчәнлегендә казлар - аккошлар ясарга өйрәндек әкиятне искә төшнрдек.

Кисеп ябыштыру эшчәнлегендә үзебезнең җыйган яфраклардан вазага  көзге бәйләм ябыштырдык.

Ел саен 21 сентябрь - халык ара Тынычлык көне дип билгеләп үтелә. Тынычлык ул - алдагы көнгә ышаныч, матур тормыш, бәхетле киләчәк.  Бүген без балалар белән "Тынычлык күгәрчене - 2017" акциясендә катнашып, һавага  күгәрченнәр ябыштырылган шарлар очырттык. Алга таба да җир шарында тынычлык булсын, һәр  көнебез балаларның шат елмаюыннан балкып торсын дип телибез.

Көн саен саф һавага чыккач бакча тирәли йөгерергә тырышабыз, сәламәтлекне ныгыту өстендә эшлибез.

Агачларның яфракларын танырга, уеннар аша яфракларны тотып карап, төсләрен  дә ныгытабыз.

Бүген әвәләү эшчәнлегендә бик күп төрле гөмбәләрне танырга өйрәндек һәм үзебезгә охшаган гөмбәне әвәләдек.