Бүген бакчабызда әти-әниләр җыелышы булып узды. Авылыбызның фельдшеры Арикиева Р. балаларга гриппка каршы вакцина ясау турында аңлатып китте. Тәрбияче Хаҗиева А.М. "Мәктәпкәчә яшьтәгеләр балаларда культура-гигиеник күнекмәләрен формалаштыру" темасына чыгыш ясады.

Сөйләм үстерү эшчәнлегендә "Алтын көз" рәсеме буенча хикәя төзергә өйрәндек һәм "Хатаны тап"  уены уйнадык. 

Иренмибез  беркайчан да, 
Физкультура ясарга.
 

Рәсем эшчәнлегендә көзнең беренче ае алтын көзне рәсемгә төшердек. 

Сентябрь көзнең беренче ае бик матур , җылы тора. Бездә балалар белән саф һавага чыгабыз, төрле уеннар уйнап күңел ачабыз.

Бүгенге кисеп ябыштыру эшчәнлегендә бакчабызда туклана торган җиләк - җимешләрне искә төшердек.  Әрчелгән әфлисүн белән әрчелмәгән әфлисүн ни өчен суда батмаганлыгын, В6 витамина бай булганын, температура вакытында файдасы күплеген белдек. Үзебезнең хәтеребездә яхшырак сакласын өчен витаминлы әфлисүннәрне кисеп ябыштырдык.

Математика эшчәнлегендә кыстыргычлар ярдәмендә уртанчылар төркеме белән төсләрне аерырга, санауны ныгытырга өйрәндек.

Саф һавага чыккач көзнең беренче көннәре белән танышуны дәвам итәбез, балалар белән кипкән чирәмнәрне, чәчәкләрне күзәтәбез.

Бүген кечкенә Мәликәнең туган көне. Аңа 2 яшь тулды.Мәликәне туган көн белән котладык, җыр җырладык һәм теләкләр теләдек. Мәликә үзенең шатлыгы белән уртаклашып безгә бүләкләр дә өләште.

Балалар белән рәсем эшчәнлегендә җәй көнен күз алдына китереп , җәйнең матур көннәрен акварель краскалар, фломастерлар кулланып рәсемгә төшердек.