Шәмәрдән бистәсендә мәктәпкәчә тәрбия һәм белем бирү педагогларының секцион киңәшмәсе барышында "Шатлык" балалар бакчасыннан инглиз телен өйрәтүче Аубакирова Г.А., тәрбияче Гилемханова Ә.Ә. эш тәҗрибәләре белән уртаклашып чыгыш ясадылар.

Бүген зурлар төркеме балалары "Урман - җиребезнең матурлыгы, байлыгы" атналыгы кысаларында  бакча территориясендә булган агачлар һәм куаклар, аларга карата сак караш тәрбияләү максатыннан агач-куакларны күзәттеләр, аларның кемнәргә, нәрсәләргә нинди файда китерүләре, кайсы агач-куаклар нинди җимеш бирүләре, ул җимешләрнең файдалы үзлекләре турында фикер алыштылар, белемнәрен арттырдылар. Табышмакларга җаваплар табылды, уеннар уйналды. (Тәрбияче: Сафиуллина Ә.К.)

Уеннар, тәрбия чарасы буларак, баланың шәхес булып формалашуына зур йогынты ясый, психик үсешенә ярдәм итә. Алай гына да түгел, алар нәниләрдә дуслык, иптәшлек, гаделлек, зирәклек кебек сыйфатлар да тәрбияли. Уеннар ярдәмендә бала тырыш, көчле, сәләтле, нык ихтыярлы булып үсә. Уен вакытында балаларның иҗат мөмкинлекләре ачыла, мөстәкыйльлекләре арта, оештыру сәләтләре үсә.

Янып торган чәчкә ясап

Рәсемне матурлаучы.

Кем икән ул, кем белә

Ул әлбәттә рәссамчы.

Буген зурлар төркеме балалары төсле акбурлар белән асфальтка матур - матур рәсемнәр ясадылар. (Тәрбияче: Сафиуллина Ә.К.)

Безнең балалар бакчасында
Бигрәк матур гөлбакча
Апаларга рәхмәт инде
Шушындый матурлыкка!

Тәрбияче Саматова Л.И.

Бүген "Булачак янгын сүндерүчеләр" атналыгын йомгаклап, алган белемнәрен ныгыту максатыннан зурлар төркеме балалары Саба янгын сүндерү бүлегенә экскурсиягә бардылар. Анда балаларны янгын сүндерү бүлеге начальнигы урынбасары Ильфир Баширович каршы алды, бүлек белән таныштырып йөрде, янгын сүндерү һөнәре, янгынны сүндерү җайланмалары белән таныштырды, янгын сүндерүче хезмәткәре балаларга уз формаларын киеп күрсәтте. Балалар машинага утырып та, шлемнарын киеп тә, су сиптереп тә карадылар. Янгын сүндерүченең кыю, батыр, җитез булырга тиешлегенә төшенделәр. Әлеге бүлектә эшләүчеләргә без хәвеф-хәтәрсез эш көннәре, тыныч-имин көннәр - төннәр теләп кайтып киттек.    (Тәрбияче: Сафиуллина Ә.К. )

Зурлар төркеме балалары янгын вакытында килеп чыгарга мөмкин булган ситуацияләрне чишеп, "Кошкин дом"ны карап, аны анализлап, үзләренең белемнәрен ныгыттылар.   (Тәрбияче : Сафиуллина Ә.К.)

Буген "Яшь янгын сүндерүчеләр" атналыгы темасы астында балалар янгын чыккан вакытта нишләргә кирәклеген,кайсы номерга шалтыратырга, үзеңне ничек тотарга кирәклеге хакында тагын бер кат искә төшерделәр, белгәннәрен ныгыттылар,ә аннан янгын сүндерү машинасын рәсемдә сүрәтләделәр. (Тәрбияче: Сафиуллина Ә.К.)