Бүген безнең бакчабызда, “Көндәлек планда УМК кулланып балалар  белән эшне чагылдыру” темасы астында, “Түгәрәк өстәл” артында сөйләшү үтте. Бу чарада безнең бакчага беркетелгән балалар бакчалары катнашты. Педагогларны УМК почмаклары, картотека буенча тупланган материал белән таныштырдык һәм аларны кызыксындырган сорауларга җавап бирергә тырыштык. Очрашу һәркемгә файдалы булды!

Балаларда туган ягыбыз, аның тарихы, күренекле урыннары, әләме, флагы турында күзаллау формалаштыру һәм туган ягыбызга мәхәббәт тәрбияләү максатыннан уртанчы төркем балалары тәрбиячеләре Ханова Г.Р. белән берлектә Сабабызның тарихы, күренекле урыннары, әләме , флагы белән таныштылар. Балалар  "Минем хатамны төзәт" , "Бу кайсы урын?" уеннарын бик яратып уйнадылар. 

Балаларны яңа әсәр белән таныштыру,әкиятне аңлап кабул итүләренә ирешү. Игътибарларын үстерү,халык иҗаты белән кызыксыну тәрбияләү.

Хөрмәтле Рузалия Фариховна! Бүген гомер мизгелегезнең матур бәйрәме, хатын-кызның акыл туплаган, асыл, иң күркәм чоры. Киләчәктә дә сәламәтлек, җан тынычлыгы, яңадан-яңа куанычлар, мул тормыш телибез. Әрнү-сагыш белмичә, гел шулай чибәр булыгыз, изге дөньяның барлык рәхәтлекләрен күреп, бергә-бергә күңелле итеп эшләргә һәм яшәргә Ходай насыйп итсен.

Күпме булса җирдә изге теләк —

Без телибез Сезгэ барын да.

Ап-ак карлар кебек бәхет яусын

Туган көннең һәрбер таңында.

Йөрәгегезгә җыйган яхшылыклар

Изгелекләр булып кайтсыннар.

Туар таңнар алып килсен Сезгэ

Сәламәтлек, бары шатлыклар!

Бүген, мөдиребез Рузалия Фариховнаның  юбилее уңаеннан, бездә кунакта район мәгариф бүлегеннән Гумерова Луиза Мажитовна белән Шамсевалиева Айгөл Маратовналар булдылар. Район профсоюз оешмасының грамотасын тапшырып котладылар.Педагогларыбыз   заманча “Теремкәй” әкиятен сәхнәләштереп күрсәттеләр.  Котлау сүзләре җырлар белән үрелеп барды.

Буген бакчабызда икенче иң кечкенәләр төркеме әти-әниләре беренче тапкыр әти-әниләр җыелышына җыйналды. Аны бакча мөдире  Файзрахманова Р.Ф. ачып җибәрде.  Бакча уставы,  эчке тәртипләр турында сөйләде ул. Аның сүзләрен шәфкать туташы Имамутдинова Н.Н. дәвам итте. Ул чисталык, балаларның адаптация чоры, меню  белән таныштырды. Аннары  җыелышны тәрбиячеләр Шамсутдинова Л.М. һәм Якупова Г.Г. дәвам итте.

Шамсутдинова Л.М. “Баланың балалар бакчасына ияләнүе” исемле доклад укыды.   Ясле төркеменең әти-әниләр комитеты сайланылды.  Соңрак төрле темаларга фикер алушылар булды.

   Главная цель пальчиковых игр – переключение внимания, улучшение координации и мелкой моторики, что напрямую воздействует на умственное развитие ребенка. Кроме того, при повторении стихотворных строк и одновременном движении пальцами у малышей формируется правильное звукопроизношение, умение быстро и четко говорить, совершенствуется память, способность согласовывать движения и речь. У детей, с которыми часто проводили пальчиковые игры, даже почерк намного лучше, чем у других. Уникальное сочетание добрых стихов и простых массажных приемов дает поразительный эффект активного умственного и физического развития

 Көз аеның икенче ае гына булса да көннәр  салкынаеп, градусниклар минус тамгасын күрсәтә, Ләкин бакчабызга салкыннан куркучы балалар йөрми!  Тәрбиячеләр белән берлектә һәр төркемнең , саф һавада физкультура эшчәнлекләре үткәрелә. төрле уеннар уйнала, ирекле уеннанрга да вакыт кала. Балаларның йөзләре алсуланып, күңелләре шатланып керә .

Бакчабызда балаларга кечкенәдән хезмәт тәрбиясе  нигезләре  салына .Балаларда өлкәннәргә, иптәшләренә карата  ярдәм итү хисе, чисталык-пөхтәлек сыйфатлары тәрбияләнә. Уртанчылар төркеме балалары да бакчада бик теләп тәрбияче һәм тәрбияче ярдәмчесенә булышалар. Көн саен чиратлап  дежур тору аларга бик кызыклы һәм җаваплы вазифа булып тора.

Бүген икенче кечкенәләр төркеме балалары иртәнге гимнастиканы интерактив тактадан карап эшләделәр. Алар бик тырышып һәм теләп мультфильм геройлары кебек хәрәкәтләнделәр.