III сыйныф укучысы Әхмәтов Әмир әнисенең эш урынында.

   Бүген, ягъни 2 нче ноябрь көнне, Олы Шыңар урта мәктәбе базасында, 2006 нчы елгы һәм алардан кечерәк кызлар командалары арасында ООО «Долина-Агро» призына  баскетбол буенча финал уеннары үтте. Безнең кызларыбыз барлык командалардан да өстен чыгып, беренчелекне яуладылар һәм кубокка ия булдылар. Афәрин, кызлар! Сезне зур җиңүегез белән котлыйбыз һәм алга таба да уңышлар телибез! (Тренерлары-Фазылов И.И.)                               

   Тимераякта шуасың килә икән, кыш килгәнен дә көтеп торасы юк. Укучыларыбыз бүген «Нарат» боз сараенда булып, тимераякта шуып, күңелле ял итеп кайттылар.

   Сотрудники Арского МФ ФКУ УИИ Салимов Ильнар Ильсурович - капитан внутренней службы и Каримуллин Ильсур Халимович - старший лейтенант внутренней службы, провели с учащимися агитационную работу по ВУЗам ФСИН России.

   Зона буенча үткән "Күңелле стартлар" уенында мәктәбебез укучылары II урынны яуладылар. Молодцы! Аларга финал уеннарында уңышлар телибез!

   Бүген уку елының беренче чиреге тәмамланды. Укучылар өчен көзге каникуллар башланып китте. Укучыларның ялын кызыклы һәм файдалы итеп оештыру максатыннан, мәктәптә көзге каникул чорына план төзелде. Һәр класста йомгаклау җыелышлары үтте. Класс җитәкчеләре тарафыннан укучылар чирек йомгаклары, каникул планы белән таныштырылды, инструктажларга куллар куйдырылды.                                     

   2006 нчы елгы һәм аннан кечерәк кызлар командалары арасында баскетбол буенча зона ярышлары узды. Безнең кызларыбыз көндәшләрен 13:1, 24:0, 24:2 исәбе белән җиңеп, I урынны яуладылар. Молодцы, кызлар! 

   Мәктәбебезнең 5 нче сыйныф укучылары һәм аларның әти-әниләре "Тату сыйныф серләре" Республика конкурсының зона этабында катнашып, "Золотой фонд" номинациясендә җиңүче булдылар. Афәрин!. Аларны чын күңелебездән котлыйбыз һәм алга таба да зур уңышлар телибез.

   26 нчы октябрь көнне мәктәбебездә ата-аналар җыелышы булып үтте. Анда түбәндәге мәсьәләләр каралды: I чиреккә йомгак ясалды, каникул планы белән таныштырылды, ата-аналарга балаларның сәламәтлеге һәм иминлеге турында аңлатылды (укучыларның киемнәрендә яктылык кайтаргыч элементларның булырга тиешлеге, юлда йөрү кагыйдәләре турында), 71 нче закон турында искәртелде, укучыларның туклану мәсьәләсе каралды. Башлангыч сыйныф укучылары әти-әниләргә Р.Корбанның “Куркуын җиңгән куян” исемле бик матур эчтәлекле әкият-пьесасын тәкъдим иттеләр. Соңыннан җыелыш классларда дәвам итте.