Якынлашып килүче бәйрәм уңаеннан яраткан әниләребезнең портретларын ясадык. Һәрберебезнең әнисе матур, күркәм, ягымлы килеп чыкты. Әниләребезнең портртларынннан күргәзмә ясадык.

Ватанны саклаучылар көненә әтиләребезгә истәлекле бүләкләр  ясадык.Әтиләребезне бәйрәм белән котлыйбыз. Аларга сәламәтлек телибез.

Атна дәвамында без герой - шагыйрь Муса Җәлилнең тормыш юлы, иҗаты белән таныштык. Аның шигырьләрен, җырларын тыңладык. Муса Җәлил язган әсәрләрдән алынган геройларны ясап күргәзмә оештырдык.

Әвәләү шөгылендә кунак кызы Айсылуны үзебез ясаган күчтәнәчләр белән сыйладык.

Барлык чаңгычыларга кушылып бездә шатланып чаңгыга бастык.

Бүген безгә Явлаштау авылы китапханәчесе Галиева Тәгъзимә апа кунакка килде. Ул безгә герой - шагыйр Муса Җәлил турында сөйләде, әкиятләр, шигырьләр укыды,  кызыклы рәсемнәр күрсәтте.Очрашуыбыз ахырында Муса Җәлил әкиятләре геройларын ак кәгазьгә истәлек итеп ясап куйдык.

Математика эшчәнлегендә кунакларны торт белән сыйлау уены аша өлешләрне өйрәндек. Балалар эшчәнлектә бик актив катнаштылар. 

Бакчабызда “Сәламәтлек “атналыгы узды. Уен күнекмәләре аша балалар белән сәламәт яшәү кагыйдәләрен ныгыттык, гәүдәне төз тотарга, күзләрне сакларга кирәклегенә, витаминлы ризыкларның сәламәтлек өчен әһәмиятле икәнлегенә төшенделәр, спорт уеннары уйнадык.