Бу атна батырлар белән танышу атнасы булды. Балалар белән 23 Февраль- Ватанны саклаучылар көненә багышлап шигырьләр , җырлар, матур биюләр  өйрәндек. 22 февраль көнне әтиләребезне бәйрәм кичәсенә чакырдык.

Бие, бие, бие әле,

Биегәнең юк әле.

Сезне матур бии диләр

Биетеп карыйк әле.

Күмәкләшеп без дә, дуслар,

Биеп алыйк, әйдә әле,

Котлы булсын, гөрләп торсын

 Әтиләрнең бәйрәме. 

Уеннар һәм ярышлар-

Витамин кебек алар.

Күңелләрне күтәрә,

 Йөрәкләргә көч бирә.

Бу атна герой шагыйрь Муса Җәлилгә багышланды . Балалар белән аның тормыш юлы өйрәнелде, ул язган шигырьләргә карата иллюстрацияләр ясалды,презентация каралды.15 февраль көнне йомгаклау кичәсе итеп  балалар арасында шигырь бәйрәме үткәрелде. Балалар аның "Әтәч", "Сәгать", " Батыр куян", "Карак песи"   шигырләрен бик яратып башкардылар.

Бүген ягъни 14 февраль көнне  бакчабызда "Сәламәт гаиләдә- сәламәт бала" дигән темага ачык эшчәнлек үздырылды. Анда әниләр , балалар һәм авылыбыз фельдшеры катнашты. Сәламәтлек эшчәнлеге слайдлар күрсәтү юлы белән алып барылды. Анда ничек итеп имунитетны ныгытырга, дөрес тукланырга , иртәне нидән башларга, әти- әниләр өчен файдалы киңәшләр бирелгән иде.

12 нче февраль көнне безнең бакчабызда  кече олимпиада үткәрелде. Балалар төрле спорт уеннарында үзләренең көчләрен сынаштылар.  Билгеле булганча олимпиада медальсез булмый. Безнең балалар да бу бүләккә лаек булдылар.