26 нчы аперль көнне "Сарман мәгълүмат-мөхәррият үзәге"  һәм үзәк китапханә уздырган шигырь бәйрәмендә катнашып, мәктәбебез командасы грамотога лаек булды. Шулай ук татар теле һәм әдәбияты укытучысы Хәлиуллина Гөләндәм Гөлүс кызына да, яшь буында туган телгә хөрмәт, мәхәббәт тәрбияләүгә керткән өлеше өчен рәхмәт йөзеннән, грамота тапшырылды. Моннан тыш, катнашучыларга "Бөек Ватан сугышы һәм туган якны өйрәнү" музеена экскурсиягә билет тапшырылды. Мәктәп командасын җиңүләре белән котлыйбыз, киләчәктә дә зур уңышлар телибез!

Район күләмендә башлангыч сыйныф укучылары арасында үткәрелгән "Тукай безнең күңелләрдә" рәсем конкурсында безнең мәктәп укучылары да катнашты. Мәктәп турына ясалган эшләрнең иң-иңнәре дип Рәхимова Алсу (1 нче сыйныф), Нәбиуллина Гүзәл, Хәлиуллина Алия (3 нче сыйныф), Хәлиуллина Гүзәл, Аһлетдинова Адиләләрнең (4 нче сыйныф) эшләре табылды.

23 аперль көнне 8-9 нчы сыйныф укучылары Бөек Ватан сугышы тарихы буенча үткәрелгән Бөтенроссия тестының онлайн вариантында катнашты. Укучыларның барысы да яхшы нәтиҗәләр күрсәтте, мөмкин булган 30 баллдан мәктәп уртача 24 балл җыйды.

Башлангыч сыйныф укучылары өчен бердәм Тукай дәресе үткәрелде. Бу дәрестә укучылар бөек шагыйрь Г. Тукайның тормыш юлын һәм иҗатын өрәнделәр, шигырьләрен сөйләделәр, сорауларга җавап бирделәр.

22 нче апрель  көнне башлангыч сыйныф укучылары,  укытучылары Аһлетдинова Н.В. һәм Латыйпова С.Ф. җитәкчелегендә, авыл библиотекасында уздырылган, Г. Тукай иҗатына багышланган кичәдә катнаштылар. 

Җомга көн өмәсе кысаларында, бүген 5-9 нчы сыйныф укучылары мәктәп бакчасында чәчәклек урынында казу эшләрен башкардылар.

Бүген 4 нче сыйныф укучысы Аһлетдинова Адилә һәм 3 нче сыйныф укучысы Нәбиуллина Гүзәл бөек шагыйрь Г. Тукай тууына 130 ел тулу уңаеннан үткәрелгән "Без - Тукай шәкертләре" район конкурсында катнашып, грамота һәм китап белән бүләкләнделәр.

"Мәрхәмәтле Татарстан" акциясе кысаларында, башлангыч сыйныф укучылары арасында, дуслык көненә багышлап, "Нәрсә ул дуслык?" ("Что такое дружба?") иншалар конкурсы узды. Укучыларның кайбер язма эшләре "Сарман" газетасы редакциясенә җибәрелде.

 “Яхшы гамәлләр кылу" атнасы кысаларында үткәрелгән сәламәтлек көне уңаеннан, мәктәп укучылары арасында ачык һавада волейбол ярышлары уздырылды.

Мәктәптә “Яхшы гамәлләр кылу" атнасы башланды. Шул уңайдан мәктәптә хәйрия ярминкәсе уздырылды.