Табигать – чиксез хәзинә дип аталган ачык чара күрсәтелде. Чарада Россия һәм Татарстанның “Кызыл китабы”на кертелгән үсемлекләр һәм хайваннар дөньясы белән таныштык,  кешеләр тормышында урманнарның әһәмияте турында шигырьләр сөйләдек. Сулыкларны чиста тоту, табигатьне саклау – безнең изге бурычыбыз !

15 апрель көнне Чистай шәһәрендә  “Без бергә!” балалар халык иҗаты фестиваль – конкурсының  зона этабында  мәтәбебезнең “Нур” театр коллективы  “ Нәфис сүз” номинациясендә чыгыш ясады. Җитәкчеләре Миндубаева Р.М., Фәйзиева Г.М. Алга таба да коллективка иҗади уңышлар телибез!Афәрин укучылар!

Мәктәптә финанс грамотылыгы атналыгы үтте. Атналыкта 7 сыйныф укучылары “Кулланучыларның хокуклары” исемле сәхнәләштерелгән әкият күрсәттеләр. Әкияттә укучылар товарларны сатып алганда билгеле бер кагыйдәләрне үтәргә кирәклекне яхшы аңладылар.

Татарстанда атна саен олы буын вәкилләрен мошенниклар алдавы турында хәбәрләр ишетеп торабыз. Гәрчә мондый бәла-казалардан саклану өчен финанс грамоталылык кагыйдәләрен истә тоту да җитә. Республикада мондый башбаштаклыкларны киметү өчен укучылар финанс яктан белемгә ия булырга тиеш. 

Безнең тагын бер язгы бәйрәмебез бар.  12 апрельдә Космонавтика көнен билгеләп үтәбез.          1961 нче елның 12 апрелендә, дөньяда беренче буларак, бортына кеше утырган “Восток” космик корабле җир тирәли орбитага чыгарылды. Бу кеше – очучы – космонавт Юрий Алексеевич Гагарин иде. Ул илебез хөкүмәте тапшырган эшне үтәде.

Космонавтика көне уңаеннан, мәктәбебездә Ю.А.Гагарин турында видеофильм күрсәтелде. Озын тәнәфес вакытында  мәктәп радио бүлеге аша  укучылар “Кеше галәмдә”  дигән радиогазета белән чыгыш ясадылар. Космоска багышланган рәсем күргәзмәсе оештырылды. Урамда “ Авиамодель” түгәрәге җитәкчесе Мәхмүтов Илназ Мәсхутович укучылар белән самолет ярышлары үткәрделәр.

Минем гаилә” (1,2, 4 кл), “ Шәҗәрә – нәсел агачы” (3 кл), “Гаилә бәхете – балада” (5 кл), “ Хыялдагы йорт” (6 кл), “Гаилә бәхете нидә?” (7 кл), “Минем гаиләнең үткәне2 (8 кл), “Гаиләдә истәлекле фотосурәт” (9 кл) дигән темаларга тәрбия сәгатьләре үткәрелде.

Экология елына багышлап һәр сыйныф экология почмаклары булдырдылар.  Икенче сыйныфта “Табигать – тиңсез хәзинә” исемле хайваннар күргәзмәсен күрергә була.  Өченче сыйныф укучылары “Табигать – туган йортыбыз” исемле стена газетасы чыгардылар. Дүртенче сыйныф балалары “Алар бик аз калган” исемле кызыл китап ясап куйганнар.  

Иске Рәҗәп уртамәктәбендә "Террорчылык. Янау турында да онытырга ярамый " дигән тема астында сыйныфтан тыш чара үткәрелде.  Укучылар алдында мәктәп директоры Булатова, А. Н.,  тормыш иминлеге нигезләре укытучысы Мәхмүтова И. М. чыгыш ясадылар. Чара барышында укучылар белән әңгәмәләр алып барылды, видеофильмнар күрсәтелде.

Бүген бөтенроссия гомуммәктәп ата-аналар җыелышы булды. Җыелышта мәктәп директоры Булатова Ә.Н.,укыту эшләре буенча директор урынбасары Фәйзиев И.Г, тәрбия эшләре буенча директор уынбасры Замалиева М.Я., Иске Рәҗәп авыл советы рәисе Нугаев М.А ата-аналар алдында чыгыш ясадылар.  Төп темалар булып  - чирек нәтиҗәләре, укучыларның сәламәтлеге, ашату турында чыгышлар ясалды.

"Интернет-куркынычсызлык , балалар һәм яшүсмерләр тормышына янауларны профилактикалау” 

1.      Балаларга һәм яшьүсмерләргә интернетның төп куркынычлыкларын санап чыгарга.

2.       Бала һәм яшьүсмерләргә куркыныч яный калган очракта профессионал ярдәм алу юллары белән танышырга.

Бөтенроссия балалар ышаныч телефоны : 8-800-2000-122;

Кайнар  линия “Бала куркыныч астында”  Эзләнүләр  комитеты  РФ 8-800-200-19-10

Укытучы ул – психолг та, киңәшче дә, ярдәмче дә, оештыручы да, әйдәп баручы да, артист та...                                                                                                                                                     Мәктәп укытучылар коллективы көче белән ата-аналарга   А.Гыйләҗевнең “Ефәк баулы былбыл кош”  драмасы куелды. Ата-аналар, килгән кунакларга спектакль бик ошады , алар олы рәхмәтләрен белдерделәр!

Гаилә тормышының төп мәгънәсе һәм максаты – балаларны тәрбияләү. (В.Сухомлинский)

Башлангыч класслар арасында гаилә бәйрәме үкәрелде. Бәйрәмгә ата-аналар чакырылган иде. “Бу минем бала!?” исемле шоу-тамашада 5 гаилә ярышты. Тамаша бик күңелле үтте. Башлангыч класс укытучылары Миндубаева Р.М., Мухаметзянова Ф.Д., Минхатыпова С.И., тәрбия эшләре буенча  директор урынбасары Замалиева М.Я. га кызыклы, тәрбияви, үзенчәлекле бәйрәм үткәргәннәре өчен ата-аналар исеменнән олы рәхмәтебезне белдерәбез.