Бу көннәрдә авыллар гөрләп тора, чөнки Сабантуйга әзерлекнең иң мөһим һәм күркәм өлеше - сөлге, бүләкләр җыю бара. Газ хезмәткәрләре, Теләче 3нче номерлы балалар бакчасы коллективы белән берлектә Сабантуе үткәрү өчен бирнә җыйдылар.

Бүген зурлар һәм мәктәпкә әзерлек төркеме балалары Россия Эчке эшләр министрлыгының Теләче районы буенча ЮХИДИ идарәсе дәүләт инспекторы Кыямов Л. Т.һәм ДБУнең Казан шәһәре территориаль идарәсенең профилактика бүлеге Саба районы бүлеге начальнигы Ягъфәрова Г.Н. белән берлектә, Теләче авылы үзәгендәге юл хәрәкәте куркынычсызлыгы буенча  " Игътибар, балалар!" дигән акциядә катнаштылар. Акциядә катнашучылар трафарет һәм махсус буяу ярдәмендә асфальтка: "Баланы кулыгыздан тотыгыз!”, “Колакчыннарыгызны алыгыз!”, “Күчү куркынычсызлыгына инаныгыз!”, дигән язулар төшерделәр. Әлеге язулар җәяүлеләрнең игътибарын җәлеп итәчәк һәм юлны кичкәндә игътибарлы һәм сак булырга кирәклеген искә төшерәчәк.

1 июнь көнне Теләче 3нче номерлы балалар бакчасында мәктәпкәчә яшьтәге балалар өчен Халыкара балаларны яклау көненә багышланган «Күңелле стартлар» ярышлары узды. Балаларга төрле конкурсларда һәм эстафеталарда катнашу, тапкырлык, җитезлек һәм чыдамлык күрсәтү мөмкинлеге бирелде. Чара чын бәйрәмгә әверелде.

Сегодня заведующий Габдулхакова Г.В. и заместитель заведующей по ВМР Сафина Е.В. приняли участие в I Республиканском семинаре-практикуме Регионального отделения Общероссийского общественно-государственного движения детей и молодежи "Движение первых" Республики Татарстан на базе Поволжского государственного университета физической культуры, спорта и туризма.

Теләче 3нче номерлы балалар бакчасының зурлар һәм мәктәпкә әзерлек төркемендә тәрбияләнүчеләр Шарафиева К.Р.,Рафикова С.Л.,Фатхуллина С.А.,Биктимирова З.Л. “Музейный десант” дип аталган район күләм бәйгедә катнаштылар һәм 3-е урынга лаек булдылар. Әлеге бәйге «Теләчеинформ» мәгълүмат үзәге һәм «Теләче туган якны өйрәнү музее» белән берлектә оештырылган иде. Котлыйбыз!!!

Бүген Теләченең 3 нче номерлы балалар бакчасында чыгарылыш бәйрәм иртәсе узды. Иркен, якты, ямьле бакча быел 23 баласын мәктәпкә озата. Балаларның шигырьләр сөйләве, җырлавы, килешле итеп вальс әйләнүләре һәркемнең күңеленә хуш килде. Алар үзләрен уңган, зирәк, акыллы итеп танытты. Ә бу исә аларның бакчада ныклы әзерлек алуларын тагын бер кат күрсәтте. Тантаналы өлеш тәмамлангач, балалар урамга чыкты һәм төрле төстәге шарларны зәңгәр күккә очырды. Шул шарларга карап, балалар бакчасында узган мизгелләрне искә төшереп, әти-әниләрнең, тәрбиячеләрнең, балаларның күзләре яшьләнде. Чөнки алар балачак иле белән саубуллашты. Ак юллар сезгә, балалар! Сезне тылсымлы белем дөньясы көтә!

Теләче 3нче номерлы балалар бакчасы мәктәпкә әзерлек төркеме тәрбияләнүчеләре Шәймәрданова А.А. һәм Назарова В.О. «Әдәби фикерләр дөньясында» республика күләм  нәфис уку бәйгесендә катнаштылар һәм 2 дәрәҗә лауреат булдылар. Котлыйбыз!!!

Балалар бакчаларында тәрбияләнүчеләр арасында "Сайяр" балалар һәм яшүсмерләр театрлары фестиваленең район этабы узды. Әлеге бәйгедә Теләче 3нче номерлы балалар бакчасының театр коллективы  Муса Җәлилнең "Карак песи" шигыре нигезендә куелган спектакль белән катнашты. Спектакльне Сафина Р.К. һәм Минһаҗева Г.Р. әзерләделәр.

18 майда дөньяның 150 дән артык илендә Халыкара музейлар көне билгеләп үтелә. Бүген Теләче 3нче номерлы балалар бакчасында тәрбияләнүчеләр музей, экспонатлар, экскурсовод кебек төшенчәләр белән таныштылар.

Балаларның янгын чыгу куркынычсызлыгы турында һәм янгын сүндерүчеләрең һөнәрләре турында белемнәрен ныгыту, ут-күзчыкмасын өчен үтәлергә тиешле кагыйдәләр белән танышу һәм балаларның сөйләм телләрен үстерү, бу һөнәрдәге кешеләр турында горурлык хисе уяту максатыннан Теләче 3нче номерлы балалар бакчасының зурлар төркеме нәниләре "Татарстан Республикасының янгынга каршы федераль хезмәтенең 7 нче отряды" Федераль дәүләт казна оешмасының 134 нче янгын сакчылыгы бүлегенә сәяхәт кылдылар.