Бүген «Батыр» спорткомплексында «Теләчеинформ» мәгълүмат үзәге үткәргән «Һәр сыерчыкның үз оясы» дип исемләнгән район бәйгесенә нәтиҗә ясалды. Теләченең 3нче номерлы балалар бакчасына йөрүче  балалар да әлеге бәйгедә актив катнаштылар, әти-әниләргә рәхмәтебезне белдерәбез,  бәйгедә җиңеп өченче дәрәҗәле дипломга лаек булган  тәрбияче Хабирова Ф.Ф. чын күңелебездән  котлыйбыз!

Балаларны экологик тәрбияләүдә практик, тикшеренү эшчәнлеге зур роль уйный. Баланың үсешенә әйләнә-тирә дөньяның йогынтысы бик зур. Бүген зурлар төркем тәрбияләнүчеләре тәрбияче Ибраһимова А.Р. белән бергә суган утырттылар.

2023 елның 24 мартында Казан шәһәренең «Әкият» театрында «Ел тәрбиячесе-2023» республика һөнәри осталык бәйгесендә җиңүчеләрне һәм призерларны бүләкләү тантанасы узды. Теләче 3нче номерлы балалар бакчасы музыка җитәкчесе Сафина Р.К. барлык сынауларны уңышлы узып, катнашучы дипломы белән бүләкләнде. Хезмәттәшебезне котлыйбыз, алга таба да уңышлар телибез.

Зурлар һәм  мәктәпкә әзерлек төркемнәрендә су объектларында куркынычсызлык чаралары кысаларында тәрбияләнүчеләр белән " Сак булыгыз, юка боз!» дигән шөгыйль үткәрелде.

Теләче 3нче балалар бакчасында Нәүрүз бәйрәме гөрләп узды.

Нәүрүз – татар халкының иң матур йола бәйрәмнәреннән берсе, ул 21 мартта көн белән төн тигезләшкән көнгә туры килә. Бу бәйрәм, язны каршылап, язгы чәчү эшләре алдыннан үткәрелә торган халык бәйрәме булып санала. Ул – дуслык, киң күңеллелек, кунакчыллыкны үз эченә ала. Нәүрүз – фарсыча “яңа көн” дигәнне аңлата, икенче төрле язгы Яңа ел, дип тә әйтәләр. Бу көнне кешеләр кунак чакыралар, бер-берсенә булган үпкә-ачуларын оныталар, җырлыйлар һәм бииләр, рәхәтләнеп күңел ачалар, уеннар уйныйлар. Бәйрәм хуҗасы – Нәүрүзбикә.

16 март көнне Казан шәһәре Яңа Савин районының “360нчы башлынгыч гимназия” автономияле гомуми белем муниципаль бюджет учреждениесендә республика күләм  “Ел тәрбиячесе – 2023”  һөнәри бәйгесе үтте. Безнең Теләче 3нче балалар бакчасыннан музыка җитәкчесе Сафина Р.К. катнашты.

Бүген безнең тәрбияләнүчеләр Атнә районында узучы "Созвездие-Йөлдызлык-2023" эстрада сәнгатенең XXIII ачык республика телевизион яшьләр фестиваленең зона этабында катнаша.

14 март көнне Казанда “Ел тәрбиячесе-2023” бәйгесенең республика этабы уза. Теләче 3нче номерлы балалар бакчасыннан музыка җитәкчесе Сафина Р.К. катнаша.

ЮИД лар хәрәкәтенең 50 еллыгын бәйрәм итү чараларын гамәлгә ашыру кысаларында МБДОУ-Теләче 3 нче номерлы балалар бакчасында «ЮИД белән очрашу» чарасы узды.

Сөйкемле әниләр, назлы әбиләр, газиз сабыйлар! Сезне бүген барыгызны да ямьле бәйрәм - Халыкара хатын-кызлар көне белән тәбрик итәбез! Ихлас күңелебездән сезгә тазалык-саулык, ак бәхетләр, язгы кояштай ягымлылык, сөйкемлелек, күңелләрегезгә яз җилләредәй җылылык, мәрхәмәтлелек, сабырлык, гаиләләрегезгә тынычлык, тигезлек, иминлек, тормышыгызда, эшләрегездә зур уңышлар, барлык хыял-теләкләрегезнең тормышка ашуын теләп калабыз. Балаларыгызның, якыннарыгызның игелеген күреп, мәхәббәтен тоеп яшәргә язсын. Йөзләрегез һәрчак шатлыктан балкып торсын!Бәйрәм белән сезне, хөрмәтле хатын-кызларыбыз!