Көз – мәрхәмәтле тылсымлы ел фасылы.  Матур төсле буяулары белән буялган яфраклар, өстәлләрдә җиләк-җимеш, яшелчәләр - кемнәр генә сокланмас бу уңышларга!

         Җәен көч куеп үстереп, көзен җыеп алган мул уңышка багышлап, мәктәбебездә ел саен “Көзге бал” кичәсе уздырыла. Быел да укучылар бу уңайдан яшелчәләрдән, җиләк-җимештән үзенчәлекле күргәзмәләр оештырды, рәсемнәр ясады, стенгазеталар чыгарды. Һәр сыйныф әзерләгән концерт номерлары бәйрәм рухын тагын да күтәреп җибәрде, Монда шигырь дә, җыр да, бию дә булды.  

        Көзге игелеклелек марафонында мәктәбебез укучылары да катнашты. Алар атна дәвамында төрле яшелчәләр алып килделәр һәм Яшел Үзән шәһәрендә яшәүче өлкәннәргә өләшергә күчтәнәчләр әзерләделәр. Бүген бу күчтәнәчләрне Хезмәт, мәшгульлек һәм социаль яклау бүлеге хезмәткәрләре өлкәннәргә тараттылар. Әлеге марафонда катнашучыларга зур рәхмәтебезне белдерәбез.

       Яшел Үзән районында шашка һәм винтовкадан ату буенча мәгариф хезмәткәрләре Спартакиадасы узды. Спартакиада физик тәрбияне пропагандалау, спортны популярлаштыру, физкультура-спорт эшен җанландыру максатыннан оештырыла. Әлеге ярышларда мәктәбебездән физкультура укытучысы Назыров Илгиз Солтан улы көч сынашты.

       Афәрин, Илгиз  Солтанович!

Сказка А.С.Пушкина "Золотая рыбка на новый лад"

          2-4 нче сыйныф укучылары “Мин инглиз телен яратам” дип аталган рәсемнәр күргәзмәсендә катнашты. Күргәзмәне инглиз теле укытучысы Яруллина А.А. оештырды.

         Җир йөзендә нинди генә һөнәр ияләре юк? Аларның кайсыберләре югала, яңалары туа. Ә менә укытучы һөнәре заманга карап үзгәрми, ул элеккечә үк җаваплы, авыр, таләпчән, иҗади һәм гел кирәкле булып кала килә. Укытучы үзе дә, озак еллар укытып, лаеклы ялга чыкса да үзгәрми, укытучы булып кала...

       Мәктәбебездә озак еллар эшләп лаеклы ялга чыккан Йосыпова Римма Хәбриевна да шуларның берсе. Мәктәптән аерылса да, күңеле белән гел анда. Бүген Римма Хәбриевнаны мәктәп коллективы юбилее белән котлады һәм иң изге теләкләрен җиткерде.  Кадерле ветераныбыз,картлык көннегезне тән һәм  җан тынычлыгы белән, балаларыгызның һәм оныкларызның сезнең турында тирән кайгыртуын, җылы мөнәсәбәтләрен тоеп үткәрегез.

    Халыкара укытучылар көне уңаеннан мәктәбебездә төрле чаралар булып үтте.   Бәйрәм уңаеннан "Сез иң гүзәл кеше икәнсез" исемле кичә үткәрелде, әлеге чарага хәрмәтле ветеран укытучылар һәм техник хезмәткәрләр дә чакырылган иде.  Бүгенге бәйрәм көне бик күңелле һәм матур үтте. Хөрмәтле укытучыларыбызны тагын бер кат профессиональ бәйрәмнәре белән тәбрик итәбез!