Бүгеннән 4 нче сыйныф укучыларының мәктәп яны бакчасында хезмәт практикасы башланды.

  Россия көне – Россия Федерациясенең яңа тарихын һәм дәүләтчелеген билгеләгән төп бәйрәме. Бәйрәм буларак ул 1992 елдан бирле үткәрелә башлый. Чөнки ул елның 11 июнендә Россия Федерациясе Югары Советы тарафыннан “Россия Федерациясенең дәүләт суверенитеты турында Декларация кабул итү көне” карарына кул куела. Рәсми рәвештә бәйрәм яңа исемен (“Россия көне”) 2002 елның 1 февралендә ала. Россиянең Хезмәт кодексы яңарганнан соң, Россия көне илебезнең барлык төбәкләрендә билгеләп үтелә башлый. Аны дәүләт тарафыннан игълан ителеп, ял итә торган иң яшь бәйрәмнәрнең берсе, дип әйтергә мөмкин.

Бүген 9 нчы сыйныфларның соңгы имтиханы.  Бер укучы  химиядән  һәм дүрт укучы җәмгыять белеменнән тапшыра. Уңышлар сезгә!

Бүген 8 нче сыйныф укучыларының хезмәт практикасы башланды. Алар укытучылар белән берлектә мәктәп бакчасында кәбестә утырттылар.

Укучыларның көтеп алган җәйге яллары башлана бүгеннән.  Сыйныф җитәкчеләре  укучыларга җәйге ял вакытында куркынычсызлык кагыйдәләрен   аңлаттылар, уку елына йомгак ясадылар, каникул чорында мәктәп участогында эшләү графигы белән таныштырдылар. Каникулларыгыз күңелле һәм файдалы үтсен! Киләсе уку елында исән-имин очрашырга язсын!