Мәктәпкә әзерлек төркеме балалары катнашында тәрбияче Идрисова Ф.М. җитәкчелегендә бакчабызда Уңыш бәйрәме үтте. Бәйрәмгә Уңыш бабай, Сөмбелә белән  бергә балаларның көз турында башкарган шигырь, җыр, мәкальләре тагын да ямь өсстәде. 

Безнең 6 нчы балалар һәм 2 нче балалар бакчаларына караган база балалар бакчаларының берләштерелгән киңәшмәсе Сәфәр балалар бакчасы базасында "Мәктәпкәчә яшьтәге балалар белән эшчәнлектә ФГОСны тормышка ашыру шартларында эксперименталь эшчәнлек" дигән тема астында үтте. 

Укытучы-логопед инициативасы белән оештырылган бу чарада балалар бакчасы тәрбиячеләре, логопед төркеме ата-аналары, невропатолог Шайхразиева Р.Ф., стоматолог Заманов Р.А., 2 нче мәктәп укытучылары катнашты. Түгәрәк өстәлнең төп темасы: "Аваз әйтүдәге кимчелекләрнең сәбәпләре һәм аларны төзәтү юллары". Килгән кунаклар бик эчтәлекле, ата-аналарны кызыксындырган сорауларга тулы, аңлаешлы итеп җавап бирделәр.

Алтын көзнең бу матур көнен бүлмәдә уздырмаска булдык. Мәктәпкә әзерлек-логопед төркеме балалары белән җыендык та, Ленин паркына сәяхәткә чыгып киттек. Паркта бик күңелле булды.

В этот прекрасный осенний день мы решили не сидеть в группе. Собрались и пошли с детьми подготовительно-логопедической группы на экскурсию в Ленинский парк. Было очень весело.

Туган якның  матурлыгын күрү, җирлек белән якыннан танышу  максатын күздә тотып кояшлы матур көзге бер көндә шөгылебезне табигать кочагында уздырдык әле.

2 кечкенәләр төркемендә “Елмаю” көнен билгеләп үттек. Елмайган кешенен матурлыгы, башкаларга да рәхәт булуын аңлаттык. Балалар үз куллары белән әти-әниләргә елмайган “үзләрен” бүләк иттеләр.

Һәр елдагыча, безнең балалар бакчасында эшләп лаеклы ялга киткән өлкәннәребезне үзебезнең бакчага кунакка чакырдык. Алар балалар һәм хезмәткәрләрдән котлаулар кабул иттеләр. Бәйрәм бакча коллективы тарафыннан әзерләнгән өстәл артында дәвам итте. 

1 кечкенәләр төркеме ата-аналары ярдәме белән театр почмагы булдырылды. Өстәл театры, бармак театры, курчак театры өчен курчаклар булдырылды.

Мәктәпкә әзерлек төркеме әти-әниләре белән “Көзге фантазия” конкурсы үткәрдек. Балалар әти-әниләре белән берлектә кызыклы “Кызыл алмалар гаиләсе”, “Пиратлар корабле”, "Дәү әниемнең көзге бакчасы” исемендәге күргәзмә эшләре ясап алып килделәр.   

Ясле төркемендә балалар белән адаптация вакытын уңышлы үткәрү максатыннан әкиятләр сәхнәләштердек.