Көзнең матурлыгы табигатьтә чагыла башлады. Без балалар белән бу матурлыкны күрер өчен Иске Идел янына юл тоттык. Су өсте тулы үрдәкләр, казлар. Алар суда коеналар, йөзәләр иде. Әргәнешнең агач - куаклары көз җитешкәннән сизгәндәй ара - тирә сары, кызыл төсләргә керә башлаган. Балалар белән "Гайша - Миләүшә", "Хәйләкәр төлке", "Көн - төн" уеннарын уйнадык. Су буенда рәхәтләнеп ял иттек.

Бөек татар язучысы - Абдулла Алишның 15нчы сентябрдә туган көне. Аның иҗаты белән танышу максатыннан, без, мәктәпкә әзерлек һәм зурлар төркеме балалары белән китапхәнәгә экскурсияга бардык. Рушания Җәүдәтовна балаларны язучының иҗаты белән таныштыды.Балалар әкиятләрнең эчтәлеге буенча рәсемнәр ясадылар, мультфильмнар карадылар, кызыклы сорауларга җавап бирделәр. Бу сәяхәтебез балалар күңелендә уңай тәэссирләр калдырды.

Без бүген зурлар һәм  мәктәпкә хәзерлек төркеме балалары белән берлектә "Мәликә" чишмәсенә сәяхәт кылдык.Максатыбыз : авылыбызның сулыклары белән танышу ,тирә-юнен бераз чистартып,чишмәләргә карата сак караш тәрбияләү һәм хезмәт тәрбиясе бирү иде.

Балалар бакчасында "Балалар бакчасы белән ата-аналарның сәламәтлекне саклау буенча уртак эше.Гриппка каршы профилактик чаралар үткәрү" исеме астында гомуми ата-аналар җыелышы булып узды.Кунакка район хастаханәсенең балалар табибы Губайдуллина Руфия Нәсих кызы килде.Ул ата-аналарны прививкаларны үткәрүнең мөһимлеге турында  сөйләде.

Балаларга кече яшьтән үк һөнәрләрнең күптөрле булуын аңлатып үстерсәк,бәлки бу һөнәрне сайлаучы кыз һәм малайлар саны да артыр дигән максатта,сәяхәтебезне кибеткә юнәлттек.Балаларны сатучы һөнәре белән таныштырдык.Сатучы һөнәренең нинди булуын якыннан күргән балалар өчен бик тә кызыклы булды.

Хәрәкәттә –бәрәкәт!

Тәнгә керә көч һәм дәрт.

Тәнгә сихәт, җанга рәхәт,

Хәрәкәткә мең рәхмәт!

Зурлар группасы балалары тәрбиячеләре Гибадуллина Л.Х. белән  балалар бакчасының "Тарихи музейында" булдылар.Музейдагы татар халкының милли гореф -гадәтләре, милли киемнәр, йорт җиһазлары белән таныштылар. Балаларда күзаллау, фикерләү, акыл сәләтләре үстерелде, зур кызыксыну уятылды.

Күрче дөнья  нинди матур!

Гөл, чәчәкләре белән.

Гөлбакчабыз гөрләп тора

Нәни балалар белән.

Балалар кечкенәдән үк рәсемнәргә бик яраталар. Алар үзләренең уйларын кәгазьдә генә түгел, асфальта да сүрәтлиләр.Алар тыныч җир, тыныч имин ил телиләр!

Балалар кырмыскалар кебек бик тиз "Кырмыска әкиятләрен" әкият -мультфильмнәрен карарга залга  ашыктылар.Мультфильм  халык мәкальләренә нигезләнеп төзелгән,ә мәкальләр халыкның зирәклеген, хикмәтлелеген үзенә туплаган бетмәс- төкәнмәс хәзинә.Мәкальләрнең асыл чыганагы- киңкырлы һәм катлаулы тормыш үзе.Халыкларның еллар, гасырлар буена тупланган тәҗрибәсеннән туган мәкальлә р буыннан -буынга  тапшырылып килә.Әкияти  кырмыскада  халыкның  хикмәтләр тулы сандыгы бар.Зирәк карт кырмыска андагы мәкальләрнең асылын кырмыска балаларына аңлата.