Уртанчылар группасында  тәрбияче Солтанова Әлфия Нурым кызы  ата- аналарга һәм тәрбиячеләргә ачык  шөгылҗ күрсәтте. Балалар  карның үзлекләре белән таныштылар һәм Кар бабайлар ясап чыршыбызны бизәделәр.

"Социаль - коммуникатив үсеш аша мәктәпкәчә  яшьтәге балаларга әхлак тәрбиясе бирүдә заманча якын килү"- дигән темада тәрбиячеләрнең район методик берләшмәсе булды. Һәр группада ачык чаралар һәм мәктәпкә хәзерлек группасы балалары күңел ачу күрсәттеләр.

Бу якты дөньяга  килгәч тә  безне  йомшак куллары белән  сыйпап, ак биләүләргә биләүче, еласак җыр көйләп юатучы, иркәләп уйнатучы, яшәргә көч- дәрт бирүче, кайгы - шатлыкларыбызны уртаклашып яшәүче газиз әниләребез бәйрәмен билгеләп үттек. Балалар чыгышлары, әниләребезнең ярышлары  күңелләребезгә шатлык тараты.

Мәктәпкә хәзерлек группасы балалары  кадерле әниләребезне котлап үз куллары белән бүләкләр дә әзерләделәр.Бәйрәм белән, әнием, тәрбияче апам Ирина Илдусовна, Ирина Ирековна, Фәнүзә Мөбәрәкзяновна!!!

Мәктәпкә хәзерлек группасы балалары  әниләр бәйрәменә әзерлекләрен башлап җибәрделәр. Тәрбиячеләре  Минимухаметова Ирина Ильдусовна  балаларны  яңа техника "Кусудано" белән таныштырды.Кәгазьне  бөкләү алымнарын ныгытып үз куллары белән чәчәкләр ясадылар. Тәрбияче балаларда әниләргә карата мәхәббәт, ихтирам хисе тәрбияләде.

База площадкасына караган балалар бакчасы тәрбиячеләре семинар - практикумга җыелдылар. Рәсем ясау методикасы,тәрбияченең үрнәк эшләре белән таныштылар. 2 кечкенәләр группасында һәм зурлар группасында ата-аналар белән бергә үткәрелгзн рәсем белем бирү эшчәнлекләрен карадылар.

2 кечкенәләр группасында тәрбияче Әминова Нәзилә "Чиста куллар" көне уздырды. Балаларга кунакка өлкән шәфкать туташы Ләйсән Закирзянова чакырылды.Ул балаларга кулларның һәрвакыт чиста булуы-сәламәтлекнең нигезе икәнен аңлатты.Балалар бу көнне үзләренең кулларын гына түгел, курчакларның кулларын да кабат - кабат сабынлап юдылар."Йомшак су, йөгерек су" җырын бик теләп җырладылар. өйрәнгән шигырьләрен сөйләделәр.

Табигатьнең могҗизасы

Таң калдыра һәркемне

Оста куллар әйләндерә

Ап-ак яуган карларны.

Табигатьне яратучы балалар  әти-әниләре белән  бергә җимлекләрне көздән үк ясап куйганнар.Кыш көне прогулка вакытларында кошларга җим сибәләр, ә үзләре читтән генә аларны күзәтәләр.Нинди кызык һәм рәхәт бит җимлеккә килгән кошларны күзәтүе.!  Сез дә онытмагыз, кошларга җим сибәргә!

Әкрен генә кыш килә.Бер көн иртән уянып китәсең дә , тәрәзәгә карап , хәйран каласың. Бөтен тирә-як ап-ак.Ул аклыктан ниндидер яктылык бөркелгән кебек.   Бер караганда, кышкы төсләр бик гади кебек: кар - ак, күк-зәңгәр, агачлар - кара.Ә болытлар түбәннән агылалар да, агылалар.Күк йөзе тонык.Әле генә без күптән көткән кар явып үтә.Безнең алда күпме күзәтүләр үткәрәсе, уеннар уйныйсы, ярышларда катнашасы... бар.